തിരുവനന്തപുരം: സി പി ഐയ്ക്ക് ദേശീയ പാര്ട്ടി പദവി നഷ്ടമായതില് പ്രതികരണവുമായി സംസ്ഥാന സെക്രട്ടറി കാനം രാജേന്ദ്രന്. അംഗീകാരമേ ഇല്ലാത്ത സമയത്തും പ്രവര്ത്തിച്ച പാര്ട്ടിയാണ് സിപിഐ എന്നും ദേശീയ പാര്ട്ടി പദവി നഷ്ടമായത് രാഷ്ട്രീയ പ്രവര്ത്തനത്തെയോ സംഘടനാ പ്രവര്ത്തനത്തെയോ ബാധിക്കില്ലെന്നും കാനം രാജേന്ദ്രന് പറഞ്ഞു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.
'പരിഷ്കരിച്ച മാനദണ്ഡ പ്രകാരം ദേശീയ പദവിക്ക് അര്ഹതയില്ലെന്ന കാര്യത്തില് വിശദീകരണം നല്കിവരികയാണ്. ഏതെങ്കിലുമൊരു മാനദണ്ഡപ്രകാരം പദവി നിര്ണയിക്കുന്നത് ശരിയല്ല. സാങ്കേതിക കാര്യം മാത്രമാണത്. രാഷ്ട്രീയ പ്രവര്ത്തനത്തിനോ സംഘടനാ പ്രവര്ത്തനത്തിനോ ഒരു തടസവുമില്ല' -കാനം രാജേന്ദ്രന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സി പി ഐയുടെ അംഗീകാരം ജനങ്ങളുടെ ഹൃദയത്തിലാണ് എന്നാണ് വിഷയത്തില് ബിനോയ് വിശ്വം എംപി പ്രതികരിച്ചത്. പോരാടുന്ന ജനങ്ങളുടെ ചോരയിലും വിയര്പ്പിലും കണ്ണീരിലും കെട്ടിപ്പടുത്ത പാര്ട്ടിയാണ് സി പി ഐ എന്നും ജനാധിപത്യത്തിനും മതേതരത്വത്തിനും സോഷ്യലിസത്തിനുംവേണ്ടിയുളള പോരാട്ടം പാര്ട്ടി ശക്തമാക്കുമെന്നും അദ്ദേഹം കൂട്ടിച്ചേര്ത്തു.