പാരിസ് : ഫ്രാന്സില് കഴിഞ്ഞ 24 മണിക്കൂറിനുള്ളില് മരണപ്പെട്ടവരുടെ എണ്ണം 329. ഇന്നലെയിത് (ശനി) 389 ആയിരുന്നു. കഴിഞ്ഞ ദിവസങ്ങളില് 400 നും 300 നും ഇടയില് സ്ഥിരത കൈവരിക്കുന്ന നിലയാണ് കാണുന്നത്. ഇത് പൊതുവില് ശുഭപ്രതീക്ഷയാണ് നല്കുന്നത്.
ഫ്രാന്സില് ഇതുവരെ മരണപ്പെട്ടവരുടെ എണ്ണം 22,616 ആയി.1,61,488 പേര്ക്കാണ് ഇതുവരെ രോഗം സ്ഥിരീകരിച്ചിരിക്കുന്നത്. കൊറോണ ബാധയും മരണനിരക്കും ഏറ്റവും ഉയര്ന്ന ഇറ്റലി ,സ്പെയിന് എന്നീ രാജ്യങ്ങള്ക്ക് തൊട്ടു പിറകെയായിരുന്ന ഫ്രാന്സ് മൊത്തം മരണസംഖ്യയില്, സ്പെയിനിനൊപ്പം എത്തിനില്ക്കുകയാണ്.
രോഗീ വര്ദ്ധന
രോഗീവര്ദ്ധനവിലും ഇറ്റലി, സ്പെയിന് തുടങ്ങിയ യൂറോപ്യന് രാജ്യങ്ങളെപ്പോലെ തന്നെ ഉയര്ന്നു നില്ക്കുകയാണ് ഫ്രാന്സും. 1,61,488 പേര്ക്കാണ് രാജ്യത്ത് രോഗം സ്ഥിരീകരിച്ചിരിക്കുന്നത്. ഇറ്റലിയില് 1,95,351പേര്ക്കും സ്പെയിനില് 2,23,759 പേര്ക്കും ജര്മ്മനിയില് 1,56,513 പേര്ക്കും ബ്രിട്ടനില് 1,48,377 പേര്ക്കുമാണ് രോഗം സ്ഥിരീകരിച്ചിരിക്കുന്നത്.