കൊച്ചി: നടിയെ ആക്രമിച്ച കേസിലെ മുഖ്യപ്രതി പള്സര് സുനിയുടെ ജാമ്യാപേക്ഷ ഹൈക്കോടതി വീണ്ടും തളളി. കേസ് നിര്ണായക ഘട്ടത്തിലായതിനാല് പ്രതിക്ക് ജാമ്യം അനുവദിക്കരുതെന്ന പ്രോസിക്ക്യൂഷന്റെ ആവശ്യം കോടതി അംഗീകരിക്കുകയായിരുന്നു. അറസ്റ്റിലായി ആറ് വര്ഷമായെന്നും കേസിന്റെ വിചാരണ അനന്തമായി നീണ്ടുപോകുന്ന ഘട്ടത്തില് തനിക്ക് ജാമ്യം അനുവദിക്കണമെന്നും ആവശ്യപ്പെട്ടാണ് പള്സര് സുനി കോടതിയെ സമീപിച്ചത്. ന്യായമായ സമയത്തിനുളളില് വിചാരണ പൂര്ത്തിയാക്കിയില്ലെങ്കില് പ്രതികള്ക്ക് ജാമ്യം അനുവദിക്കാമെന്ന സുപ്രീംകോടതി വിധി ചൂണ്ടിക്കാട്ടിയായിരുന്നു പ്രതിയുടെ ഹര്ജി.
പള്സര് സുനി വിചാരണ തീരാതെ ജയിലില് കഴിയുകയാണെന്നും പ്രതി ചെയ്ത കുറ്റകൃത്യത്തിന്റെ ആഴം പരിഗണിക്കണം, കേസ് നിര്ണായക ഘട്ടത്തില് എത്തിനില്ക്കുമ്പോള് ജാമ്യം അനുവദിക്കരുതെന്നുമാണ് പ്രോസിക്ക്യൂഷന് കോടതിയില് പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നടിക്കുനേരെ ഉണ്ടായത് ക്രൂരമായ ആക്രമണമാണെന്ന് ഹൈക്കോടതി നേരത്തെ നിരീക്ഷിച്ചിരുന്നു. സുനിയുടെ ജാമ്യഹര്ജിയില് കേസുമായി ബന്ധപ്പെട്ട രേഖകള് പരിശോധിക്കുന്നതിനിടെയായിരുന്നു കോടതിയുടെ നിരീക്ഷണം. കഴിഞ്ഞ തിങ്കളാഴ്ച്ചയാണ് പള്സര് സുനിയുടെ ജാമ്യാപേക്ഷയില് വാദം പൂര്ത്തിയായത്. കേസിന്റെ വിചാരണാ വേളയില് പള്സര് സുനി നേരിട്ട് ഹാരജാകുന്നുണ്ടെന്ന് വിചാരണാക്കോടതി ഉറപ്പുവരുത്തണമെന്ന് ഹൈക്കോടതി കഴിഞ്ഞ മാസം ഉത്തരവിട്ടിരുന്നു.