ഗൂഗിളും മെറ്റയും ആമസോണും പിരിച്ചുവിട്ടവര്‍ക്ക് ജോലി നല്‍കി അമേരിക്കന്‍ ആര്‍ട്ടിഫിഷ്യല്‍ ഇന്റലിജന്‍സ് കമ്പനിയായ ഓപ്പണ്‍ എ ഐ. ഗൂഗിള്‍ പിരിച്ചുവിട്ട 59 ജീവനക്കാരും മെറ്റ പിരിച്ചുവിട്ട 34 ജീവനക്കാരും ഇപ്പോള്‍ ഓപ്പണ്‍ എ ഐയ്ക്കുവേണ്ടി ജോലി ചെയ്യുന്നുണ്ട്. ആപ്പിളും ആമസോണും പിരിച്ചുവിട്ട ജീവനക്കാര്‍ക്കും ഓപ്പണ്‍ എ ഐ ജോലി നല്‍കിയതായും റിപ്പോര്‍ട്ടുണ്ട്. തങ്ങളുടെ സെര്‍ച്ച് എഞ്ചിന് വെല്ലുവിളിയാകുമെന്ന് ഗൂഗിള്‍ ഭയക്കുന്ന ചാറ്റ് ജിപിടിയ്ക്കുവേണ്ടിയാണ് ഗൂഗിളും മെറ്റയും പിരിച്ചുവിട്ട ജീവനക്കാര്‍ പ്രവര്‍ത്തിക്കുക.
എന്താണ് ചാറ്റ് ജിപിടി
ഓപ്പണ്‍ എ ഐ വികസിപ്പിച്ചെടുത്ത ഒരു ഭാഷാ മോഡലാണ് ചാറ്റ് ജിപിടി. മനുഷ്യന്റെ സ്വാഭാവികമായ ഭാഷ മനസിലാക്കാനും അതിനനുസരിച്ച് സംഭാഷണങ്ങളിലേര്‍പ്പെടാനുമാണ് ചാറ്റ് ജിപിടിയെ പരിശീലിപ്പിച്ചിരിക്കുന്നത്. ആര് എന്ത് സംശയം ചോദിച്ചാലും അത് എന്തിനെക്കുറിച്ചായാലും ആ വിഷയത്തെക്കുറിച്ച് അഭിപ്രായം പറയാന്‍ ചാറ്റ് ജിപിടിക്ക് സാധിക്കും. കഥ പറയാനോ കവിതയെഴുതാനോ ഉപന്യാസം രചിക്കാനോ പറഞ്ഞാല്‍ ചാറ്റ് ജിപിടി അത് അനുസരിക്കും. ഇന്റര്‍നെറ്റില്‍ ലഭ്യമായതും അച്ചടിക്കപ്പെട്ട പുസ്തകങ്ങളില്‍ ലഭ്യമായതുമായ അനേകായിരം ടെക്സ്റ്റ് ഡാറ്റ ഉപയോഗിച്ചാണ് ചാറ്റ് ജിപിടിയെ പരീശിലിപ്പിച്ചിരിക്കുന്നത്. 2021-വരെയുളള ഡാറ്റയാണ് അതിനകത്തുളളത്. ആളുകളുമായുളള സംഭാഷണത്തിലൂടെ അത് പുതിയ കാര്യങ്ങള്‍ പഠിക്കുന്നുമുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
