കോഴിക്കോട്: ട്രാന്‍സ് ദമ്പതികളായ സിയക്കും സഹദിനും കുഞ്ഞ് പിറന്നതിനെ ട്രാന്‍സ്മാന്‍ പ്രസവിച്ചുവെന്ന് പ്രചരിപ്പിക്കുന്നവര്‍ മൂഢസ്വര്‍ഗത്തിലാണെന്ന് ഡോ. എം കെ മുനീര്‍. പുരുഷന്‍ പ്രസവിച്ചുവെന്ന് പ്രചരിപ്പിച്ചത് മാധ്യമങ്ങളാണെന്നും പ്രസവിച്ചത് സ്ത്രീയാണെന്ന് തെളിഞ്ഞെന്ന് എം കെ മുനീര്‍ പറഞ്ഞു. കോഴിക്കോട് കടപ്പുറത്ത് നടന്ന വിസ്ഡം ഇസ്ലാമിക് കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'പുറംതോടില്‍ പുരുഷനായി എന്ന് നമ്മള്‍ പ്രഖ്യാപിക്കുമ്പോഴും അവര്‍ ജന്മംകൊണ്ട് സ്ത്രീയായിരുന്നു. അവര്‍ക്ക് ഗര്‍ഭപാത്രമുണ്ട്. ഒരു പുരുഷനായി ഒരു സ്ത്രീ ഒരാള്‍ക്കൊപ്പം താമസിക്കുകയും ഗര്‍ഭിണിയാവുകയും ചെയ്യണമെങ്കില്‍ അണ്ഡവും ബീജവും തമ്മില്‍ സങ്കലനം നടക്കണം. അപ്പോഴാണ് കുഞ്ഞ് ജനിക്കുന്നത്. അല്ലാതെ ഒരു കുഞ്ഞ് ജനിച്ചാല്‍ അത് അത്ഭുതമാണ്. അത്തരം അത്ഭുതങ്ങളുണ്ടാകുമെന്ന് ചിന്തിക്കുന്നവര്‍ മൂഢസ്വര്‍ഗത്തിലാണ്'- എം കെ മുനീല്‍ പറഞ്ഞു.
താന്‍ ആരെയും അപമാനിക്കാനല്ല ഇത് പറയുന്നതെന്നും എതിര്‍വാദങ്ങളുണ്ടെങ്കില്‍ അവരുമായി സംവാദത്തിന് തയാറാണെന്നും എം കെ മുനീര്‍ പറഞ്ഞു. സംവാദങ്ങളുണ്ടാകുമ്പോള്‍ പൊതുജനത്തിന് വസ്തുതകള്‍ മനസിലാകുമെന്നും അദ്ദേഹം കൂട്ടിച്ചേര്‍ത്തു.
