കൊച്ചി: ജെന്‍ഡര്‍ ന്യൂട്രല്‍ ലോകം സാധ്യമാകുമെന്ന് താന്‍ കരുതുന്നില്ലെന്ന് ഇന്ത്യന്‍-ഇംഗ്ലീഷ് എഴുത്തുകാരി അനിതാ നായര്‍. പുരുഷന്മാരും സ്ത്രീകളും തമ്മിലുളള ശാരീരിക വ്യത്യാസങ്ങളാണ് അതിനുളള പ്രധാന കാരണമെന്നും ശരീരഘടനയിലെ വ്യത്യാസങ്ങള്‍ കാരണം ഇരുവരുടെയും ആവശ്യങ്ങളും വ്യത്യസ്തമായിരിക്കുമെന്നും അനിതാ നായര്‍ പറഞ്ഞു. തിരുവനന്തപുരത്ത് നടക്കുന്ന മാതൃഭൂമി അന്താരാഷ്ട്ര അക്ഷരോത്സവത്തില്‍ സംസാരിക്കുകയായിരുന്നു അവര്‍.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'ജീവശാസ്ത്രപരമായും ശാരീരികപരമായും പുരുഷന്മാര്‍ വ്യത്യസ്തമായാണ് സൃഷ്ടിക്കപ്പെട്ടിരിക്കുന്നത്. സ്ത്രീകളും വ്യത്യസ്തരാണ്. ശാരീരിക ഘടനയിലെ വ്യത്യാസം കാരണം ഇരുവരുടെയും ആവശ്യങ്ങളും വ്യത്യസ്തമാവും. വസ്ത്രത്തിന്റെയോ മുടിയുടേയോ കാര്യമാവട്ടെ, നമ്മള്‍ നിരവധി കണ്ടീഷനുകളിലൂടെയാണ് വളര്‍ന്നുവരുന്നത്. മാനസികമായി ഒരു ജെന്‍ഡര്‍ ന്യൂട്രല്‍ ലോകം നമുക്ക് സൃഷ്ടിക്കാനാവും. എന്നാല്‍ ശാരീരികമായി അത് പ്രായോഗികമാണെന്ന് തോന്നുന്നില്ല'- അനിതാ നായര്‍ പറഞ്ഞു.
