കോഴിക്കോട്: സംസ്ഥാന സ്‌കൂള്‍ കലോത്സവത്തിന്റെ സ്വാഗതഗാനം പരിശോധിക്കണമെന്ന് മന്ത്രി മുഹമ്മദ് റിയാസ്. കലോത്സവഗാനം തയാറാക്കിയവരുടെ താല്‍പ്പര്യം പരിശോധിക്കണമെന്നും അവരുടെ സംഘപരിവാര്‍ ബന്ധം അന്വേഷിക്കണമെന്നും മുഹമ്മദ് റിയാസ് പറഞ്ഞു. കലോത്സവത്തില്‍ ബോധപൂര്‍വ്വം കലാപാന്തരീക്ഷം ഉണ്ടാക്കാന്‍ ശ്രമമുണ്ടായോ എന്ന് പരിശോധിക്കുമെന്നും മന്ത്രി പറഞ്ഞു. കലോത്സവത്തിന്റെ ഉദ്ഘാടനത്തോടനുബന്ധിച്ച് അരങ്ങേറിയ സ്വാഗതഗാനത്തിലെ ദൃശ്യാവിഷ്‌കാരത്തിനെതിരെയാണ് സമൂഹമാധ്യമങ്ങളില്‍ വിമര്‍ശനമുയര്‍ന്നത്.
കവി പി കെ ഗോപിയുടെ വരികള്‍ക്ക് കെ സുരേന്ദ്രനാണ് സംഗീത സംവിധാനം ചെയ്തത്. ഇതിന് മാതാ പേരാമ്പ്ര ഒരുക്കിയ ദൃശ്യത്തിനെതിരെയാണ് വിമര്‍ശനം. മതസൗഹാര്‍ദ്ദവും മാനവിതകതയും ഊന്നിപ്പറഞ്ഞ ഗാനത്തിന്റെ ദൃശ്യാവിഷ്‌കാരത്തില്‍ ഇന്ത്യന്‍ സുരക്ഷാസേന പിടികൂടുന്ന തീവ്രവാദിയെ അറബി ശിരോവസ്ത്രമായ കയ്യിഫ ധരിച്ചയാളുടെ വേഷത്തിലാണ് അവതരിപ്പിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, ക്യാപ്റ്റന്‍ വിക്രം കാര്‍ഗില്‍ യുദ്ധത്തില്‍ കൊല്ലപ്പെട്ടതിന്റെ ദൃശ്യാവിഷ്‌കാരമാണ് ഉദ്ദേശിച്ചതെന്നും ഉന്നത വിദ്യാഭ്യാസ ഉദ്യോഗസ്ഥരുടെയടക്കം മുന്നില്‍ പ്രദര്‍ശിപ്പിച്ചതിനുശേഷമാണ് സ്റ്റേജില്‍ അവതരിപ്പിച്ചതെന്നും മാതാ പേരാമ്പ്രയുടെ ഡയറക്ടര്‍ കനകദാസ് പറഞ്ഞു.
