കോഴിക്കോട്: ഇടതുപാര്ട്ടികളില് പുരുഷാധിപത്യമുണ്ടെന്ന് സിപിഎം പൊളിറ്റ് ബ്യൂറോ അംഗം ബൃന്ദാ കാരാട്ട്. റാലികളില് കാണുന്ന സ്ത്രീ പങ്കാളിത്തം പക്ഷേ കമ്മിറ്റികളില് ഇല്ലെന്നും തുല്യ പങ്കാളിത്തം ഉറപ്പാക്കുംവരെ വിഷയത്തില് പോരാട്ടം അനിവാര്യമാണെന്നും ബൃന്ദാ കാരാട്ട് പറഞ്ഞു. കോഴിക്കോട് ദയാപുരം ആര്ട്സ് ആന്ഡ് സയന്സ് കോളേജില് നടന്ന സെമിനാറില് പങ്കെടുത്ത് സംസാരിക്കുകയായിരുന്നു അവര്.
'എല്ലാ രാഷ്ട്രീയ പാര്ട്ടികളിലും പുരുഷാധിപത്യം ശക്തമായി തുടരുന്നുണ്ട്. ഇതില് മാറ്റം കൊണ്ടുവരാന് ശ്രമിക്കുമ്പോഴും സിപിഎമ്മില് വനിതകളുടെ അംഗസംഖ്യ 18-20 ശതമാനം വരെ മാത്രമാണ്. റാലിയില് കാണുന്ന പങ്കാളിത്തം കമ്മിറ്റികളിലില്ല. എല്ലാ കമ്മിറ്റികളിലും സ്ത്രീ പ്രാധിനിധ്യം ഉറപ്പാക്കാന് പാര്ട്ടി തീരുമാനിച്ചിരുന്നു. അതിന്റെ ഭാഗമായി ബ്രാഞ്ച് കമ്മിറ്റികളിലും ലോക്കല് കമ്മിറ്റികളിലും നിരവധി വനിതകളെത്തി. ഇനിയും ഒരുപാട് മാറ്റങ്ങളുണ്ടാവേണ്ടതുണ്ട്. തുല്യ പങ്കാളിത്തം ഉറപ്പാക്കുംവരെ പോരാട്ടം അനിവാര്യമാണ്'- ബൃന്ദാ കാരാട്ട് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നടിയാകാന് ആഗ്രഹിച്ചിരുന്ന തന്നെ വിയറ്റ്നാം യുദ്ധവും ലണ്ടന് ജീവിതവും എങ്ങനെയാണ് മാറി ചിന്തിക്കാന് പ്രേരിപ്പിച്ചതെന്നും ബൃന്ദ വിശദീകരിച്ചു. ജനങ്ങള്ക്കൊപ്പം നിന്ന് അഞ്ച് പതിറ്റാണ്ടുകാലം നടത്തിയ രാഷ്ട്രീയ പ്രവര്ത്തനത്തില് താന് പൂര്ണ്ണ തൃപ്തയാണെന്നും അവര് കൂട്ടിച്ചേര്ത്തു.