മുംബൈയിൽ 20 നാവികസേനാ ഉദ്യോഗസ്ഥർക്ക് കൊവിഡ്-19 സ്ഥിരീകരിച്ചു. ഇവരെ മുംബൈയിലെ നാവിക സേനാ ആശുപത്രിയായ ഐഎൻഎച്ചഎസ് അശ്വനിയിൽ പ്രവേശിപ്പിച്ചു. ഇവർ മുംബൈ തീരത്ത് നങ്കൂരമിട്ട് ഐഎൻഎസ് എൻഗ്രേ എന്ന കപ്പലിലാണ് താമസിച്ചിരുന്നത്. നിരവധി അന്തർവാഹിനികളും യുദ്ധക്കപ്പലുകളുമുള്ള ഈ ഡോക് യാർഡിൽ ഉണ്ട്. വെസ്റ്റേൺ നേവൽ കമാന്റിലെ ലോജിസ്റ്റിക്ക്, അഡ്മിനിസ്ട്രേറ്റീവ് വിഭാഗത്തിൽപ്പെട്ട നാവികർക്കാണ് രോഗബാധ.
വൈറസ് ബാധയെ തുടർന്ന് കപ്പൽ പൂർണമായും ഒഴിപ്പിച്ചു. അണുവിമുക്തമാക്കാനുള്ള നടപടികൾ ആരംഭിച്ചു. നാവികരുടെ സമ്പർക്കപ്പട്ടിക തയ്യാറാക്കിയിട്ടുണ്ട്. ഇവരുടെ റൂട്ട് മാപ്പ് തയ്യാറാക്കും. ആദ്യമായാണ് നാവിക സേനയിലുള്ളവർക്ക് കൊവിഡ് സ്ഥിരീകരിക്കുന്നത്. നേരത്തെ കരസേനയിലെ ഡോക്ടർമാർക്കും നഴിസിംഗ് അസിസ്റ്റന്റിനും ഉൾപ്പെടെ 8 പേർക്ക് രോഗം സ്ഥിരീകരിച്ചിരുന്നു.
