തിരുവനന്തപുരം: അമേരിക്കന്‍ കമ്പനിയായ സ്പ്രിങ്ക്ളറുമായി ബന്ധപ്പെട്ട കരാറില്‍ മുഖ്യമന്ത്രിയുടെ മറുപടിയില്‍ അവ്യക്തതയുണ്ടെന്നും അത് സംശയമുണ്ടാക്കുന്നതാണെന്നും മുന്‍ മുഖ്യമന്ത്രി ഉമ്മന്‍ചാണ്ടി ആരോപിച്ചു. കേന്ദ്ര സര്‍ക്കാരിന്‍റെ അനുമതിയില്ലാതെ സംസ്ഥാന സര്‍ക്കാരിന് ഇത്തരത്തില്‍ ഒരു കരാര്‍ അമേരിക്കന്‍ കമ്പനിയുമായി ഒപ്പിടാന്‍ സാധ്യമല്ല. സംസ്ഥാന മന്ത്രിസഭയുടെ അനുമതിയിയോ കേന്ദ്രാനുമാതിയോ ഇല്ലാതെ എങ്ങിനെയാണ് സംസ്ഥാന സര്‍ക്കാര്‍ കരാറില്‍ ഒപ്പുവെച്ചത് എന്ന കാര്യത്തില്‍ വ്യക്തത വരുത്താന്‍ മുഖ്യമന്ത്രി തയാറാവണമെന്നും ഉമ്മന്‍ചാണ്ടി ആവശ്യപ്പെട്ടു.
തങ്ങളുടെ പ്രവര്‍ത്തനങ്ങളില്‍ നിന്ന് പുറകോട്ടുപോയ സ്പ്രിങ്ക്ളര്‍ കമ്പനിയുടെ നിലപാടും സംശയങ്ങള്‍ വര്‍ദ്ധിപ്പിക്കുന്നതാണെന്നും ഇതു സംബന്ധിച്ച് ജനങ്ങള്‍ക്കുണ്ടായ സംശയങ്ങള്‍ ദൂരികരിക്കാന്‍ ബന്ധപ്പെട്ടവര്‍ തയാറാകണമെന്നും മുന്‍ മുഖ്യമന്ത്രി ആവശ്യപ്പെട്ടു
