ഫ്രാന്‍സില്‍ മരണ നിരക്കില്‍ 200 ന്‍റെ വര്‍ദ്ധന
പാരീസ്: ഫ്രാന്‍സില്‍ കഴിഞ്ഞ ഇരുപത്തിനാലു മണിക്കൂറിനുള്ളില്‍ മരണനിരക്കില്‍ 200 ന്‍റെ വര്‍ദ്ധനവാണ് രേഖപ്പെടുത്തിയത്. കഴിഞ്ഞ 24 മണിക്കൂ റിനുള്ളില്‍ 762 പേരാണ് മരണപ്പെട്ടത്. ഇന്നലെത്തെതില്‍ നിന്ന് മരണനിരക്കില്‍ ഗണ്യമായ വര്‍ദ്ധനവാണ് കഴിഞ്ഞ 24 മണിക്കൂറിനുള്ളില്‍ രേഖപ്പെടുത്തിയത്. കൊറോണ ബാധയും മരണനിരക്കും ഏറ്റവും ഉയര്‍ന്ന ഇറ്റലി, സ്പെയിന്‍ എന്നീ രാജ്യങ്ങള്‍ക്ക് തൊട്ടു പിറകെയാണ് ഫ്രാന്‍സും. രാജ്യത്തെ അവസ്ഥ നിയന്ത്രണാതീതമായിത്തന്നെ തുടരുകയാണ് . ഇതിനകം രാജ്യത്ത് ആകെ 15,729 പേര്‍ മരണപ്പെട്ടു. 1,43,303 പേര്‍ക്കാണിവിടെ രോഗം ബാധിച്ചിരിക്കുന്നത്.
കോവിഡ് -19 ബാധിച്ച് ശനിയാഴ്ച 987 പേരുടെ മരണം റിപ്പോര്‍ട്ട് ചെയ്ത ഫ്രാന്‍സില്‍ ഇന്നലെ ഞായറാഴ്ച 627 പേരുടെ മരണമാണ് രേഖപ്പെടുത്തിയത്. 360 ന്‍റെ കുറവ്. അതേസമയം ശനിയാഴ്ചയുമായി താരതമ്യപ്പെടുത്തുമ്പോള്‍ തിങ്കളാഴ്ച മരണനിരക്കില്‍ വലിയ കുറവാണ് രേഖപ്പെടുത്തിയത്. തിങ്കളാഴ്ച 561 പേരുടെ മരണമാണ് രേഖപ്പെടുത്തിയത്. കഴിഞ്ഞ 24 മണിക്കൂറിനുള്ളില്‍ 762 പേരാണ് മരണപ്പെട്ടത്. അതായത് മരണനിരക്കില്‍ താഴ്ന്നനിലയില്‍ സ്ഥിരത നിലനിര്‍ത്തുന്നതിന് ഇന്നത്തെ ഡാറ്റ വിഘാതമായാണ് വന്നിരിക്കുന്നത് എന്നു കാണാം.
രോഗീവര്‍ദ്ധനവിലും ഇറ്റലി, സ്പെയിന്‍ തുടങ്ങിയ യൂറോപ്യന്‍ രാജ്യങ്ങളെപ്പോലെ തന്നെ ഉയര്‍ന്നു നില്‍ക്കുകയാണ് ഫ്രാന്‍സും. ശനിയാഴ്ച 1,24,869 ആയിരുന്നു രോഗം ബാധിച്ചവരുടെ എണ്ണം. തിങ്കളാഴ്ച അതില്‍ 7,722 ന്‍റെ വര്‍ദ്ധനവാണ് രേഖപ്പെടുത്തിയത്. അതായത് ആകെ രോഗം ബാധിച്ചവരുടെ എണ്ണം തിങ്കളാഴ്ച 1,32,591ആയിരുന്നു. കഴിഞ്ഞ 24 മണിക്കൂറിനുള്ളില്‍ അതില്‍ 10,712 ന്‍റെ വര്‍ദ്ധനവാണ് രേഖപ്പെടുത്തിയത്. ഇതോടെ ഫ്രാന്‍സില്‍ ഇതിനകം ആകെ 1,43,303 പേര്‍ക്കാണ് രോഗം ബാധിച്ചിരിക്കുന്നത്.
