ഡൽഹി: രാജ്യത്തിന്റെ സമഗ്രവികസനം സൂചിപ്പിക്കുന്ന മാനവ വികസന സൂചികയിൽ (Human Development Index (HDI) ഇന്ത്യ വീണ്ടും താഴേയ്ക്ക്. 131-ാം സ്ഥാനത്തായിരുന്ന ഇന്ത്യ 2021-ൽ ഒരു പടികൂടി താഴ്ന്ന് 132-ലെത്തി. രാജ്യത്തെ ജനങ്ങളുടെ ആയുര്ദൈര്ഘ്യം, വിദ്യാഭ്യാസ നിലവാരം, ജീവിത നിലവാരം തുടങ്ങിവയാണ് പട്ടികയുടെ അളവുകോല്. ഐക്യരാഷ്ട്ര സംഘടന ഡെവലപ്പ്മെന്റ് പ്രോഗ്രാമാണ് പട്ടിക പ്രസിദ്ധീരിക്കുന്നത്.
സ്വിറ്റ്സര്ലന്ഡ്, നോര്വ, ഐസ്ലന്ഡ് എന്നിവരാണ് മാനവിക വികസന സൂചികയില് മുന്നിലുള്ള ആദ്യ മൂന്ന് രാജ്യങ്ങള്. 1990 മുതലുള്ള പട്ടികയില് 129-ല് തുടങ്ങി ഓരോ വര്ഷവും ഇന്ത്യ താഴേക്ക് പോകുകയാണ്. എന്നാല് 2019 നും 2021നും ഇടയിലുള്ള ഇടിവിന്റെ കാരണം ആയുര്ദൈര്ഘ്യം കുറഞ്ഞതാകാമെന്നാണ് വിലയിരുത്തല്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
69.7 ല് നിന്ന് 67.2 ലേക്കെത്തിയിട്ടുണ്ട് ഇന്ത്യയുടെ ആയുര്ദൈര്ഘ്യം. പട്ടികയില് ഇന്ത്യയുടെ അയല് രാജ്യങ്ങളായ ശ്രീലങ്ക 73-ാമതും ചൈന 79-ാം സ്ഥാനത്തുമാണ്. പാകിസ്ഥാന് ഇന്ത്യയേക്കാളും പിന്നില് 161-ാം സ്ഥാനത്താണ്. ബംഗ്ലാദേശ് - 129, ഭൂട്ടാന് - 127, നേപ്പാള് - 143, മ്യാന്മര് - 149 എന്നിങ്ങനെയാണ് സ്ഥാനം പിടിച്ചത്.