ഡല്ഹി: അഗ്നിപഥ് പദ്ധതിക്കെതിരെ ഡി വൈ എഫ് ഐയും എസ് എഫ് ഐയും സംഘടിപ്പിച്ച പാര്ലമെന്റ് മാര്ച്ചില് സംഘര്ഷം. ജന്ദര് മന്ദറില്നിന്നും ആരംഭിച്ച മാര്ച്ച് പാര്ലമെന്റ് സ്ട്രീറ്റ് പൊലീസ് സ്റ്റേഷനുമുന്നിലെത്തിയപ്പോള് പൊലീസ് തടഞ്ഞു. ഡി വൈ എഫ് ഐ അഖിലേന്ത്യാ പ്രസിഡന്റ് എ എ റഹീം എംപിയുള്പ്പെടെയുളളവരെ പൊലീസ് സംഘം റോഡിലൂടെ വലിച്ചിഴച്ചാണ് വാഹനത്തിലേക്ക് കയറ്റിയത്. എ എ റഹീമും ഡി വൈ എഫ് ഐയുടെ വനിതാ നേതാക്കളുമുള്പ്പെടെയുളളവരെ അറസ്റ്റ് ചെയ്ത് നീക്കുകയായിരുന്നു. സമരത്തില്നിന്ന് പിന്മാറില്ലെന്നും ശക്തമായ പ്രക്ഷോഭവുമായി മുന്നോട്ടുപോകുമെന്നും എ എ റഹീം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'വളരെ ക്രൂരമായി, ജനാധിപത്യ വിരുദ്ധമായാണ് ഡല്ഹി പൊലീസ് പെരുമാറിയത്. സമരത്തെ അടിച്ചമര്ത്തുകയായിരുന്നു പൊലീസിന്റെ ലക്ഷ്യം. ജനാധിപത്യപരമായി, നിരായുധരായി സമരം ചെയ്ത എസ് എഫ് ഐയുടെയും ഡി വൈ എഫ് ഐയുടേയും പ്രവര്ത്തകരെയാണ് പൊലീസ് ആക്രമിച്ചത്. ഒരു വനിതാ പ്രവര്ത്തകയുടെ വസ്ത്രം വരെ വലിച്ചുകീറി. എംപിയാണെന്നറിഞ്ഞിട്ടും എനിക്കെതിരെയും പൊലീസ് അതിക്രമമുണ്ടായി. ഒരു സംശയവുംവേണ്ട ഞങ്ങള് ഈ തെരുവിലേക്ക് മടങ്ങിവരും. ശക്തമായ പ്രതിഷേധവുമായി രാജ്യത്തെ യുവതീ-യുവാക്കള് രംഗത്തുവരും. മോദിയുടെ പൊലീസിന് ഞങ്ങളെ തടയാനാവില്ല.'-എ എ റഹീം പറഞ്ഞു.