തിരുവനന്തപുരം: മുന് സ്പീക്കര് ശ്രീരാമകൃഷ്ണന് കോണ്സുലേറ്റ് ജനറലിന് കൈക്കൂലി നല്കിയെന്ന ഗുരുതര ആരോപണവുമായി സ്വര്ണക്കടത്ത് കേസ് പ്രതി സ്വപ്ന സുരേഷ്. ഷാര്ജ ഭരണാധികാരിയുമായി കൂടിക്കാഴ്ചയ്ക്ക് അവസരമൊരുക്കണമെന്ന് ശ്രീരാമകൃഷ്ണന് ആവശ്യപ്പെട്ടുവെന്നും താന് അതിന് അവസരമൊരുക്കിയെന്നും സ്വപ്ന സുരേഷ് നല്കിയ സത്യവാങ്മൂലത്തില് പറയുന്നു. ഷാര്ജയില് വിദ്യാഭ്യാസ സ്ഥാപനം തുടങ്ങാനായിരുന്നു ശ്രീരാമകൃഷ്ണന്റെ പദ്ധതി. ഷാര്ജ ഭരണാധികാരിയുമായി ബന്ധപ്പെടുന്നതിന് കോണ്സുലേറ്റ് ജനറലിന് കൈക്കൂലി നല്കി. ആ ബാഗ് സരിത്താണ് ഏറ്റുവാങ്ങിയതെന്നും പിന്നീട് ഈ ബാഗ് കസ്റ്റംസ് പിടിച്ചെടുത്തുവെന്നും സ്വപ്ന സുരേഷ് കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, മുന് മന്ത്രി കെ ടി ജലീലിനെതിരെയും ഗുരുതര ആരോപണങ്ങളാണ് സ്വപ്ന ഉന്നയിച്ചിരിക്കുന്നത്. കോൺസുലേറ്റ് ജനറലുമായി അടുത്ത ബന്ധമുള്ള കെ.ടി ജലീൽ 17 ടൺ ഈന്തപ്പഴം സംസ്ഥാനത്ത് എത്തിച്ചു. മുംബൈയിലെ ഫ്ലൈ ജാക്ക് ലോജിസ്റ്റിക്സ് വഴിയാണ് കെടി ജലീൽ ഈന്തപ്പഴം ഇറക്കുമതി ചെയ്തത്. ജലീലിന്റെ ബിനാമിയാണ് മുംബൈ ആസ്ഥാനമായി പ്രവര്ത്തിക്കുന്ന ഫ്ലൈ ജാക്ക് ലോജിസ്റ്റിക് ഉടമ മാധവൻ വാര്യരെന്നും സ്വപ്ന സത്യവാങ്മൂലത്തിൽ പറയുന്നു. ഇതിനെതിരെ പ്രതികരണവുമായി കെ ടി ജലീല് രംഗത്തെത്തി. തിരുനാവായക്കാരന് മാധവ വാര്യരായത് നന്നായി. വല്ല കുഞ്ഞിപ്പോക്കരിന്റെയോ മറ്റോ പേര് പറഞ്ഞിരുന്നെങ്കില് കെണിഞ്ഞേനെ!' എന്നാണ് കെ ടി ജലീല് ഫേസ്ബുക്കില് കുറിച്ചത്.