ഡല്‍ഹി: ഡാനിഷ് ഓപ്പൺ നീന്തല്‍ മത്സരത്തില്‍ സിനിമാ നടന്‍ ആര്‍ മാധവന്‍റെ മകൻ വേദാന്തിന് മെഡല്‍. കോപ്പൻഹേഗനിൽ നടന്ന ഡാനിഷ് ഓപ്പൺ നീന്തൽ ചാംപ്യൻഷിപ്പിൽ വേദാന്ത് മാധവന്‍ രാജ്യത്തിനായി സ്വര്‍ണം, വെള്ളി മെഡലുകളാണ് സ്വന്തമാക്കിയത്. വേദാന്തിന്‍റെ ഫോട്ടോ സഹിതം മാധവന്‍ ഇക്കാര്യം ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. പരിശീലകൻ പ്രദീപിനും സ്വിമ്മിങ് ഫെഡറേഷൻ ഓഫ് ഇന്ത്യക്കും മാധവൻ നന്ദി അറിയിക്കുകയും ചെയ്തു. ഈ വര്‍ഷം തന്നെ ജൂനിയര്‍ നീന്തൽ ചാംപ്യൻഷിപ്പിൽ 7 മെഡലുകൾ വേദാന്ത് നേടിയിരുന്നു. കഴിഞ്ഞ വര്‍ഷം നടന്ന അക്വാട്ടിക് ചാംപ്യൻഷിപ്പില്‍ മൂന്ന് സ്വർണമെഡലുകളും ഒരു വെള്ളി മെഡലും വേദാന്ത് കരസ്ഥമാക്കിയിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കഴിഞ്ഞ വര്‍ഷം തായ് ലാൻറില്‍ വെച്ച് നടന്ന രാജ്യാന്തര നീന്തല്‍ മൽസരത്തില്‍ ഇന്ത്യയ്ക്ക് വേണ്ടി ആദ്യ മെഡല്‍ നേടിയത് വേദാന്തായിരുന്നു. നീന്തലിലുള്ള മകന്‍റെ കഴിവിനെക്കുറിച്ച് പല അഭിമുഖങ്ങളിലും മാധവന്‍ തന്നെ സംസാരിച്ചിട്ടുണ്ട്. മകന്‍റെ കഴിവില്‍ താന്‍ വളരെ സന്തോഷവാനാണ്. അതിനെ വളര്‍ത്തിയെടുക്കാന്‍ താന്‍ എപ്പോഴും കൂടെ നില്‍ക്കും. ഏറ്റവും ഭാഗ്യം ചെയ്ത പിതാവാണ് താനെന്നുമാണ് മാധവന്‍ അഭിമുഖങ്ങളില്‍ പറഞ്ഞത്. നമ്പി നാരായണന്‍റെ ജീവിത കഥ പറയുന്ന റോക്കട്രി ദി നമ്പി ഇഫെക്ടാണ് മാധവിന്‍റെ പുറത്തിറങ്ങാനുള്ള ചിത്രം.
