ഡല്‍ഹി: കെ റെയിലിനെതിരെ പ്രതിഷേധിച്ച കോണ്‍ഗ്രസ് എംപിമാരെ ഡല്‍ഹി പൊലീസ് കയ്യേറ്റം ചെയ്തു. പാര്‍ലമെന്റിലേക്ക് പ്രതിഷേധ മാര്‍ച്ചുമായെത്തിയ എംപിമാരെ തടഞ്ഞ പൊലീസ് അവരെ കായികമായും നേരിട്ടു. പൊലീസ് ഹൈബി ഈടന്‍ എംപിയുടെ കരണത്തടിച്ചു. ടി എന്‍ പ്രതാപന്‍ എംപിയെയും കെ മുരളീധരന്‍ എംപിയെയും പിടിച്ചുതളളി. രമ്യാ ഹരിദാസ് എംപിക്കുനേരേയും കയ്യേറ്റ ശ്രമമുണ്ടായി. സില്‍വര്‍ ലൈന്‍ പദ്ധതിയടക്കമുളള വിഷയങ്ങള്‍ ചര്‍ച്ചചെയ്യാനായി മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച്ച നടത്തുന്ന പശ്ചാത്തലത്തിലാണ് എംപിമാര്‍ പ്രതിഷേധിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പ്രധാനമന്ത്രിയുടെ ഓഫിസില്‍ വെച്ചാണ് കൂടിക്കാഴ്ച്ച നടക്കുന്നത്. സംസ്ഥാനത്ത് കെ റെയിലിനെതിരെ പ്രതിഷേധം ശക്തമായി തുടരുന്നതിനിടെയാണ് മുഖ്യമന്ത്രിയും പ്രധാനമന്ത്രിയും കൂടിക്കാഴ്ച്ച നടത്തുന്നത്. കെ റെയില്‍ പദ്ധതിയോട് അനുഭാവപൂര്‍വ്വമായ നിലപാടെടുക്കണം എന്ന് മുഖ്യമന്ത്രി പ്രധാനമന്ത്രിയോട് ആവശ്യപ്പെടും. ശബരിമല വിമാനത്താവളം, ദേശീയ പാതാ വികസനം ഉള്‍പ്പെടെയുളള വിഷയങ്ങളും ചര്‍ച്ചയാകും.
