ചണ്ഡീഗഡ്: വൈദ്യതി വകുപ്പ് ജീവനക്കാരുടെ പ്രതിഷേധത്തില് സ്തംഭിച്ച് ചണ്ഡീഗഡ്. ജീവനക്കാരുടെ സമരംമൂലം ചണ്ഡീഗഡിലെ മിക്ക സ്ഥലങ്ങളിലും കഴിഞ്ഞ 36 മണിക്കൂറായി വൈദ്യുതിയും വെളളവുമില്ല. മൂന്ന് ദിവസമായുളള ജീവനക്കാരുടെ സമരം സംസ്ഥാനത്തെ ജനജീവിതം ദുസഹമാക്കിയിരിക്കുകയാണ്. വൈദ്യുതി വകുപ്പ് സ്വകാര്യവത്ക്കരിക്കുന്നതിനെതിരെയാണ് വകുപ്പ് ജീവനക്കാര് പ്രതിഷേധിക്കുന്നത്. സ്വകാര്യവത്കരണം തങ്ങളുടെ തൊഴില് മേഖലയില് മാറ്റം വരുത്തുമെന്നും വൈദ്യതി നിരക്ക് വര്ധിപ്പിക്കുമെന്നുമാണ് ജീവനക്കാരുടെ ആശങ്ക. സമരം പിന്വലിക്കാന് കേന്ദ്ര യൂണിയന് ടെറിറ്ററി അഡൈ്വസര് സമരക്കാരുമായി ചര്ച്ച നടത്തിയെങ്കിലും ഇതുവരെ ഒത്തുതീര്പ്പിലെത്തിയിട്ടില്ല.
വൈദ്യുതി ജീവനക്കാരുടെ സമരം മൂലം തിങ്കളാഴ്ച്ച മുതല് ചണ്ഡീഗഡിലെ ആയിരക്കണക്കിന് വീടുകളിലാണ് വൈദ്യുതിയും ജലവിതരണവും തടസപ്പെട്ടത്. നഗരത്തിലെ റോഡുകളിലെ ട്രാഫിക് ലൈറ്റുകളും വഴിവിളക്കുകളും പ്രവര്ത്തനരഹിതമായി. സമരം ആശുപത്രികളുടെ സമരത്തെയും കാര്യമായി ബാധിച്ചു. സര്ക്കാര് ആശുപത്രികളില് നടത്താനിരുന്ന ശസ്ത്രക്രിയകള് മാറ്റിവെച്ചു. പ്രദേശത്തെ ഓണ്ലൈന് ക്ലാസുകളും കോച്ചിംഗ് ഇന്സ്റ്റിറ്റ്യൂട്ടുകളുമെല്ലാം അടച്ചുപൂട്ടി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, വൈദ്യുതി പുനസ്ഥാപിക്കാന് വേണ്ട ക്രമീകരണങ്ങള് നടത്തിയിട്ടുണ്ടെന്നാണ് ചണ്ഡീഗഡ് ഭരണകൂടം അവകാശപ്പെടുന്നത്. എന്നാല് പ്രദേശത്തെ താമസക്കാരും വ്യാപാരികളും പരാതികളുമായി രംഗത്തെത്തിയിട്ടുണ്ട്. പവര് കട്ട് വ്യവസായ മേഖലയെയും സാരമായി ബാധിച്ചിട്ടുണ്ട്.