ഇസ്ലാമാബാദ്: പാക്കിസ്ഥാനില്‍ 2200 വര്‍ഷം പഴക്കമുളള ബുദ്ധദേവാലയം കണ്ടെത്തി. വടക്കന്‍ പാക്കിസ്ഥാനിലെ സ്വാത് മേഖലയിലുളള ബാരിക്കോട്ട് നഗരത്തിലാണ് ബുദ്ധദേവാലയം കണ്ടെത്തിയിരിക്കുന്നത്. ഇറ്റലിയില്‍ നിന്നും പാക്കിസ്ഥാനില്‍ നിന്നുമുളള പുരാവസ്തുഗവേഷകരുടെ സംയുക്ത സംഘം നടത്തിയ ഖനനത്തിലാണ് ബിസി ഇ രണ്ടാം നൂറ്റാണ്ടിലെതെന്ന് കരുതപ്പെടുന്ന ബുദ്ധക്ഷേത്രം കണ്ടെത്തിയിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പരമ്പരാഗത ബുദ്ധിസ്റ്റ് ആരാധനാലയങ്ങളുടെ മാതൃകയിലുളള വലിയ താഴികക്കൂടമാണ് ക്ഷേത്രത്തിന്റെ പ്രത്യേകത. കൂടാതെ ദേവാലയ സമുച്ചയത്തിനുളളില്‍ ചെറിയ സ്തൂപം, ബുദ്ധ സന്യാസിമാര്‍ക്കുളള വിശ്രമമുറി, മറ്റ് മുറികള്‍, പ്രാചീനമായ പാത തുടങ്ങിയ ശേഷിപ്പുകളും കണ്ടെത്തിയിട്ടുണ്ട്. നിലവിലെ കാബൂള്‍, പെഷവാര്‍, സ്വാത്ത്, തക്ഷില തുടങ്ങിയ സ്ഥലങ്ങളിലായി വ്യാപിച്ചുകിടന്നിരുന്ന പ്രാചീന ഗാന്ധാര രാജ്യത്ത് ബുദ്ധമതത്തിന്റെ സ്വാധീനത്തെക്കുറിച്ചുളള കൂടുതല്‍ തെളിവുകള്‍ ഈ ബുദ്ധദേവാലയത്തിന്റെ കണ്ടെത്തലിലൂടെ ലഭിക്കുമെന്നാണ് പുരാവസ്തു ഗവേഷകര്‍ കരുതുന്നത്.
