സ്വകാര്യ വാഹനത്തില് തമിഴ്നാട്ടിലേക്ക് പോകാനായി എത്തിയ മുന് ഡിജിപിയെ അതിര്ത്തിയില് തടഞ്ഞു. കേരള- തമിഴ്നാട് അതിര്ത്തി ചെക്പോസ്റ്റായ കളിയിക്കാവിളയില് തമിഴ്നാട് പൊലീസ് മുന് ഡിജിപി പി ജെ അലക്സാണ്ടറെയാണ് തടഞ്ഞത്. രാജ്യത്താകമാനം ലോക്ഡൗൺ പ്രഖ്യാപിച്ച സാഹചര്യത്തിലാണ് അലക്സാണ്ടറെ പൊലീസ് തടഞ്ഞത്. ലോക്ഡൗൺ പ്രഖ്യാപിച്ച സാഹചര്യത്തിൽ തമിഴ്നാടും കേരളവും പരസ്പരം യാത്രക്കാരെ കടത്തിവിടുന്നില്ല.
വിവരം അറിഞ്ഞെത്തിയ പാറശ്ശാല സര്ക്കിള് ഇന്സ്പെക്ടര് തമിഴ്നാട് പൊലീസിനോട് ആവശ്യപ്പെട്ടതിനെ തുടര്ന്നാണ് യാത്രാ അനുമതി ലഭിച്ചത്. തമിഴ്നാട് പൊലീസ് തടഞ്ഞത് മുന് ഡിജിപി അലക്സാണ്ടര് ജേക്കബിനെ ആണെന്ന് വാര്ത്തയുണ്ടായിരുന്നു. എന്നാല് ഇതുതെറ്റാണെന്ന് പൊലീസ് പിന്നീട് വ്യക്തമാക്കി.