തിരുവനന്തപുരം: കൊവിഡ് രൂക്ഷമായ സാഹചര്യത്തില് നിര്ത്തിവെച്ചിരുന്ന ഡ്രൈവിംഗ് ടെസ്റ്റുകളും, പരിശീലനവും പുനരാരംഭിക്കുമെന്ന് ഗതാഗത മന്ത്രി ആന്റണി രാജു. കൊവിഡ് പ്രോട്ടോക്കോള് പൂര്ണമായും പാലിച്ചായിരിക്കും പരിശീലനവും, ടെസ്റ്റുകളുമാരംഭിക്കുകയെന്നും മന്ത്രി കൂട്ടിച്ചേര്ത്തു.
ഡ്രൈവിംഗ് പരിശീലനം നല്കുന്ന വാഹനത്തില് ഇന്സ്ട്രക്ടറെ കൂടാതെ ഒരു വിദ്യാര്ത്ഥിയെ മാത്രമേ അനുവദിക്കുകയുള്ളു. ഇക്കാര്യങ്ങളില് വീഴ്ചയുണ്ടായാല് മോട്ടോര് വാഹന ഉദ്ധ്യോഗസ്ഥര് നടപടി സ്വീകരിക്കണമെന്നും മന്ത്രി മുന്നറിയിപ്പ് നല്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, രാജ്യത്ത് കൊവിഡ് വ്യാപനം രൂക്ഷമാകുന്ന 6 സംസ്ഥാനങ്ങളില് ഒന്ന് കേരളമാണെന്ന് പ്രധാനമന്ത്രി പറഞ്ഞു. രോഗവ്യാപനം കൂടുന്ന സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ചര്ച്ച നടത്തി. മൂന്നാംഘട്ട വ്യാപനം ഒഴിവാക്കുവാന് സംസ്ഥാനങ്ങള് ശ്രദ്ധിക്കണമെന്നും അദ്ദേഹം വ്യക്തമാക്കി. കേരളം, തമിഴ്നാട്, ബീഹാര്, കര്ണാടക, മഹാരാഷട്ര, ആന്ധ്രാപ്രദേശ് എന്നീ സംസ്ഥാനങ്ങളെയാണ് കൊവിഡ് രണ്ടാം തരംഗം രൂക്ഷമായി ബാധിച്ചിരിക്കുന്നത്.