കൊച്ചി: സ്പീക്കര് പി ശ്രീരാമകൃഷ്ണന്റെ അസിസ്റ്റന്റ് പ്രൈവറ്റ് സെക്രട്ടറി അയ്യപ്പന് കസ്റ്റംസിനുമുന്നില് ചോദ്യം ചെയ്യലിന് ഹാജരാകില്ല. കസ്റ്റംസിന്റെ നോട്ടീസ് ലഭിച്ചിട്ടില്ലെന്നാണ് വിശദീകരണം. നോട്ടീസ് ലഭിച്ചാല് ഹാജരാകുന്നത് പരിഗണിക്കുമെന്നും അയ്യപ്പന് പറഞ്ഞു.
സ്വര്ണക്കടത്ത് കേസിലെ പ്രതികളായ സ്വപ്ന സുരേഷിനും സരിത്തിനും തിരുവനന്തപുരത്തെ ഒരു ഫ്ലാറ്റില്വെച്ച് ഡോളര് അടങ്ങിയ ബാഗ് സ്പീക്കര് വിദേശത്തേക്ക് അയക്കാന് കൈമാറി എന്ന് വാര്ത്ത പുറത്തുവന്നിരുന്നു. ഈ ബാഗ് കോണ്സുലേറ്റ് ജനറല് ഓഫീസില് നല്കാനായിരുന്നു സ്പീക്കര് നിര്ദ്ദേശിച്ചതെന്നും അതനുസരിച്ച് ബാഗ് കോണ്സുലേറ്റ് ഓഫീസില് നല്കി എന്നുമായിരുന്നു സ്വപ്നയും സരിത്തും നല്കിയ മൊഴി. ഇതിന് പിന്നാലെയാണ് അഡീഷണല് പ്രൈവറ്റ് സെക്രട്ടറിയോട് ഹാജരാകാന് കസ്റ്റംസ് നിര്ദ്ദേശിച്ചത്.
കസ്റ്റംസിന്റെ നോട്ടീസ് ലഭിച്ചിട്ടില്ലെന്ന് സ്പീക്കറുടെ ഓഫീസ് കഴിഞ്ഞ ദിവസംതന്നെ വ്യതമാക്കിയിരുന്നു. എന്നാല്, ഫോണിലൂടെ വിവരങ്ങൾ തിരക്കിയിരുന്നുവെന്നും സ്പീക്കറുടെ ഓഫീസ് അറിയിച്ചു.