വരുന്ന തദ്ദേശ സ്വയഭരണ സ്ഥാപനങ്ങളിലേക്കുള്ള (കോര്‍പ്പറേഷന്‍/ മുൻസിപ്പൽ/ പഞ്ചായത്ത്) തെരഞ്ഞെടുപ്പിൽ നിങ്ങളുടെ വോട്ടുകൾ ഉണ്ടെന്നു ഉറപ്പുവരുത്താനുള്ള നിര്‍ദ്ദേശങ്ങള്‍ സംസ്ഥാന ഇലക്ഷന്‍ കമ്മീഷന്‍ പുത്തിറക്കി. 2020 ജനുവരി 1-ന് 18 വയസ്സ് പൂർത്തിയാകുന്ന ആർക്കും വോട്ട് ചേർക്കാനുള്ള അവസരം ഓണ്‍ ലൈനില്‍ ലഭ്യമാണ്. ഫെബ്രുവരി 14 ആണ് സമയപരിധി. കഴിഞ്ഞ പാർലമെന്‍റ് തിരഞ്ഞെടുപ്പിൽ വോട്ടു ചെയ്തു എന്ന കാരണത്താൽ പഞ്ചായത്ത് തെരഞ്ഞെടുപ്പിന്‍റെ വോട്ടർപട്ടികയിൽ പേരുണ്ടാകണമെന്നില്ലെന്ന് സംസ്ഥാന ഇലക്ഷന്‍ കമ്മീഷന്‍ വ്യക്തമായി പറഞ്ഞിട്ടുണ്ട്.
പുതുതായി അപേക്ഷ സമര്‍പ്പിക്കേണ്ടവര്‍ താഴെകാണുന്ന ലിങ്കുകൾ ഉപയോഗപ്പെടുത്തി സമയപരിധി അവസാനിക്കും മുന്‍പ് അവനവന്‍റെ വോട്ടുകൾ ഉറപ്പുവരുത്തണമെന്ന് കമ്മീഷന്‍ നിര്‍ദ്ദേശിക്കുന്നു.
തദ്ദേശ സ്വയം ഭരണ സ്ഥാപനങ്ങളിലേക്കുള്ള വോട്ടർ പട്ടികയിൽ പേർ ചേർക്കാനുള്ള ലിങ്ക്: http://lsgelection.kerala.gov.in/registration
തെറ്റു തിരുത്താനുള്ള ലിങ്ക്: http://lsgelection.kerala.gov.in/registration/correction
ബൂത്ത് മാറ്റാനുള്ള ലിങ്ക്: http://lsgelection.kerala.gov.in/registration/wardshifting
അപേക്ഷകളുടെ സ്റ്റാറ്റസ് (അവസ്ഥ) അറിയാനുള്ള ലിങ്ക്: http://lsgelection.kerala.gov.in/voters/list
വോട്ടർ പട്ടികയിൽ പേരുണ്ടോ എന്നറിയാനുള്ള ലിങ്ക്: http://lsgelection.kerala.gov.in/search/voter
