തിരുവനന്തപുരം: തൊഴിലുറപ്പ് പദ്ധതിക്കായി 40,000 കോടിയനുവദിച്ച കേന്ദ്രനടപടി സ്വാഗതാര്ഹമാണെന്ന് സംസ്ഥാന ധനകാര്യ മന്ത്രി ഡോ. തോമസ് ഐസക് പറഞ്ഞു. കേന്ദ്ര ധനമന്ത്രിയുടെ 5 -ാം ഘട്ട സാമ്പത്തിക പാക്കേജ് വിശദീകരണത്തോട് പ്രതികരിക്കുകയായിരുന്നു സംസ്ഥാന ധനകാര്യമന്ത്രി. തൊഴിലുറപ്പ് കൂലി മുന്കൂറായി ജനങ്ങളുടെ കയ്യിലെത്തിക്കാന് നടപടി സ്വീകരിക്കണമെന്ന് അദേഹം പറഞ്ഞു.
സംസ്ഥാനങ്ങള്ക്കുള്ള വായ്പാപരിധി ഉയര്ത്തിയ നടപടിയും ധനമന്ത്രി സ്വാഗതം ചെയ്തു. ഇതനുസരിച്ച് സംസ്ഥാന സര്ക്കാരിന് 18,087 രൂപ വായ്പയെടുക്കാം. എന്നാല് ഈ വായ്പ ആര് ബി ഐയില് നിന്നെടുക്കാന് അനുവദിക്കണം. എങ്കില് മാത്രമേ കുറഞ്ഞ പലിശ നിരക്കില് സംസ്ഥാനങ്ങള്ക്ക് വയ്പലഭികൂ. നിലവില് എടുത്ത വായ്പക്ക് 9 ശതമാനം പലിശയാണ് കൊടുത്തുകൊണ്ടിരിക്കുന്നത് - തോമസ് ഐസക് പറഞ്ഞു.
ജി.എസ്.ടി ഇനത്തില് സംസ്ഥാനത്തിന് ലഭിക്കാനുള്ള വിഹിതം ലഭ്യമാക്കാന് നടപടി സ്വീകരിക്കണമെന്നും കേന്ദ്ര ബജട്ടിലുള്ള സംസ്ഥാന വരുമാനത്തിന്റെ അഞ്ചു ശതമാനം എടുക്കാന് അനുവദിക്കണമെന്നും സംസ്ഥാന ധനകാര്യ മന്ത്രി ഡോ. തോമസ് ഐസക് ആവശ്യപ്പെട്ടു.