മുതിര്ന്ന കോണ്ഗ്രസ് നേതാവ് ഉമ്മന്ചാണ്ടിയുടെ മരണത്തില് നടത്തിയ പ്രസ്താവനയ്ക്കുശേഷം സമൂഹമാധ്യമങ്ങളില് തനിക്കെതിരെ നടന്ന സൈബര് ആക്രമണത്തില് പ്രതികരണവുമായി നടന് വിനായകന്. ഇതെല്ലാം പണ്ടുമുതലേ പലരും ചെയ്യുന്നതാണെന്നും തന്റെ നിറവും ജാതിയുമൊക്കെയാണ് അവരുടെ പ്രശ്നമെന്നും വിനായകന് പറഞ്ഞു. താന് ഉമ്മന്ചാണ്ടിയെ ഒന്നും പറഞ്ഞിട്ടില്ലെന്നും വിമര്ശിച്ചത് മാധ്യമങ്ങളെയാണെന്നും വിനായകന് പറഞ്ഞു. മാധ്യമപ്രവര്ത്തകര് ചെയ്യുന്ന ജോലിയോട് മര്യാദ കാണിച്ചില്ലെന്നും ആ ദിവസങ്ങളിലെ അഭിനയത്തിന് സ്റ്റേറ്റ് അവാര്ഡ് കൊടുക്കേണ്ടത് അവര്ക്കാണെന്നും വിനായകന് പറഞ്ഞു. തന്റെ ഏറ്റവും പുതിയ ചിത്രമായ കാസര്ഗോള്ഡിന്റെ പ്രമോഷന്റെ ഭാഗമായി സാര്ക്ക് ലൈവിന് നല്കിയ അഭിമുഖത്തിലായിരുന്നു വിനായകന്റെ പ്രതികരണം.
വിനായകന് പറഞ്ഞത്:
സിനിമയില് ഞാന് ഇപ്പോള് സെലക്ടീവാണ്. കാരണം ജയിലര് കഴിഞ്ഞിട്ട് ഞാനിനി ഏത് പടം ചെയ്യണം, ഞാന് സെലക്ട് ചെയ്തേ പറ്റു. ഇത്രേം വലിയ ഒരു ഹിറ്റ് പടം ചെയ്ത ശേഷം ഞാന് പെട്ടെന്ന് ഏതെങ്കിലും ഒരു പടം ചെയ്തുകഴിഞ്ഞാല് വീണ്ടും താഴേക്ക് പോകും. എപ്പോഴും നമ്മളെ വലിച്ചുതാഴ്ത്താനായിട്ട് ആളുകള് ഉണ്ടാകുമല്ലോ. കാര്യമെന്താണെന്ന് പോലുമറിയാതെ എന്റെ വീട്ടുകാര്ക്ക് വിളിച്ചുനടക്കുന്നവരുണ്ട്. ദുഷ്ടനായിട്ട് ആയിരത്തില് ഒരുത്തന് മതിയല്ലോ. അങ്ങനെ കുറച്ചുപേരെ ഉണ്ടാവു. അവര്ക്ക് ചിലപ്പോള് എന്റെ നിറമായിരിക്കാം പ്രശ്നം, ചിലപ്പോള് എന്റെ ജാതിയായിരിക്കാം. എനിക്ക് ഇത്രയും കാശ് കിട്ടിയെന്ന് പറയുമ്പോള് അത് ഉള്ക്കൊളളാന് പോലും ആള്ക്കാര്ക്ക് പറ്റുന്നില്ല. അങ്ങനെയും കുറേ മനുഷ്യന്മാരുണ്ട്.
ജയിലറില് എനിക്ക് 35 ലക്ഷം രൂപയേ കിട്ടിയുളളു എന്ന് എഴുതി വിടുന്നത് വിഷങ്ങളാണ്. എനിക്ക് അതിന്റെ ഇരട്ടിയുടെ ഇരട്ടിയുടെ ഇരട്ടി കിട്ടിയിട്ടുണ്ട്. വിനായകന് ഇത്രയൊക്കെ കൊടുത്താല് മതിയെന്ന് ചിന്തിക്കുന്നവരാണ് അങ്ങനെ എഴുതിവിടുന്നത്. ഞാന് ചോദിച്ചതിന്റെ ഇരട്ടി എനിക്ക് കിട്ടി. അവരെന്നെ പൊന്നുപോലെയാണ് ലൊക്കേഷനില് നോക്കിയത്.
ഉമ്മന്ചാണ്ടിയെ ഞാന് ഒന്നും പറഞ്ഞിട്ടില്ല. ഞാന് വിമര്ശിച്ചത് മാധ്യമങ്ങളെയല്ലേ? നാണമാവില്ലേ ഈ പത്രക്കാര്ക്ക്. ചെയ്യുന്ന ജോലിയോട് ഒരു മര്യാദ കാണിക്കണ്ടേ? ഇതെന്താ അഭിനയമോ? സ്റ്റേറ്റ് അവാര്ഡ് ഇവര്ക്കാണ് കൊടുക്കേണ്ടത്. എന്ത് അഭിനയമായിരുന്നു. മരിച്ചവിടെ കിടന്ന് തുളളുവായിരുന്നു. അല്ലാതെ ഞാന് ഉമ്മന്ചാണ്ടിയെ ഒന്നും പറഞ്ഞതല്ല. ആള്ക്കാര് അത് മറിച്ചുവെന്നേയുളളു. മാധ്യമങ്ങളോടാണ് നാടകം നിര്ത്തുവെന്ന് പറഞ്ഞത്. എന്റെ ജാതിയും നിറവുമാണ് ഇവരുടെ പ്രശ്നം. ഇവരെന്ത് ചെയ്താലും ഞാന് പിന്നോട്ടുപോകില്ല. ഈ ജാതിക്കാരനാണ് ഞാനെന്ന് ഉച്ചത്തില് വിളിച്ചുപറയും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക