തിരുവോണദിനത്തില്‍ മുന്‍ മുഖ്യമന്ത്രിയും മുതിര്‍ന്ന സിപിഎം നേതാവുമായ വി എസ് അച്ച്യുതാനന്ദന്റെ ചിത്രം പങ്കുവെച്ച് മകന്‍ അരുണ്‍ കുമാര്‍. ഫേസ്ബുക്കിലൂടെയാണ് അദ്ദേഹം വി എസിന്റെ ഓണച്ചിത്രം പങ്കുവെച്ചത്. 'അച്ഛനോടൊത്തുളള ഓരോ ഓണവും ആഹ്ലാദകരം തന്നെ. ഇന്നൊരല്‍പ്പം ക്ഷീണിതനെങ്കിലും ഞങ്ങള്‍ക്ക് ഈ സാന്നിദ്ധ്യം ഊര്‍ജദായകം'-എന്നാണ് ചിത്രത്തിനൊപ്പം അരുണ്‍ കുമാര്‍ കുറിച്ചത്.
1923 ഒക്ടോബര്‍ 20-ന് ജനിച്ച വി എസിന് ഈ വര്‍ഷം നൂറുവയസ് പൂര്‍ത്തിയാകും. പ്രായാധിക്യം മൂലം അസ്വസ്ഥതകള്‍ ഉളളതിനാല്‍ വി എസ് ഏറെനാളായി അരുണ്‍ കുമാറിന്റെ വീട്ടീല്‍ വിശ്രമത്തിലാണ്. വി എസിന്റെ വിശേഷങ്ങള്‍ മകന്‍ നേരത്തെയും സമൂഹമാധ്യമങ്ങളിലൂടെ പങ്കുവെച്ചിട്ടുണ്ട്.
