കോൺഗ്രസ് മുൻ അദ്ധ്യക്ഷ സോണിയ ഗാന്ധിയേയും കുടുംബത്തേയും കാണാന് ഹരിയാനയിലെ കർഷകർ വന്നത് വലിയ വാര്ത്തയായിരുന്നു. ഇപ്പോഴിതാ, കൂട്ടത്തില് ചിലര് സോണിയ ഗാന്ധിയുമായി സംസാരിച്ചതിന്റെ വീഡിയോ ശകലങ്ങള് സമൂഹ മാധ്യമങ്ങളില് വൈറലായിരിക്കുകയാണ്.
എന്താണ് രാഹുല്ഗാന്ധിയെ വിവാഹം കഴിപ്പിക്കാത്തതെന്നും ഇനിയും സമയം വൈകിക്കരുതെന്നും ഒരു കര്ഷക സോണിയാഗാന്ധിയോട് പറഞ്ഞു. രാഹുലിനു വേണ്ടി ഒരു പെൺകുട്ടിയെ കണ്ടെത്തൂവെന്നായിരുന്നു സോണിയാ ഗാന്ധി അവർക്ക് നല്കിയ മറുപടി. സോണിയാ ഗാന്ധിയും പ്രിയങ്കാ ഗാന്ധിയും അവർക്കൊപ്പം ഭക്ഷണം കഴിക്കുന്നതും, നൃത്തം ചെയ്യുന്നതുമെല്ലാം നേരത്തേതന്നെ പുറത്തുവന്ന വീഡിയോകളില് ഉണ്ട്.
ഭാരത് ജോഡോ യാത്രയുടെ ഭാഗമായി രാഹുൽ ഗാന്ധി ഹരിയാനയിലെ സോനിപത്തിലെത്തിയപ്പോള് രാഹുൽ ഗാന്ധിയുടെ ഡൽഹിയിലെ വീട് കാണണമെന്ന് കർഷകർ ആഗ്രഹം പ്രകടിപ്പിച്ചിരുന്നു. തുടർന്ന് സോണിയ ഗാന്ധി വനിതാ കർഷകരെ ഉച്ചഭക്ഷണത്തിന് ക്ഷണിക്കുകയും യാത്രാസൗകര്യം ഏർപ്പെടുത്തുകയുമായിരുന്നു.