ഡല്ഹി: പ്രമുഖ ബാങ്കിതര ധനകാര്യ സ്ഥാപനമായ എച്ച് ഡി എഫ് സി ലിമിറ്റഡ് (ഹൌസിംങ്ങ് ഡെവലപ്മെന്റ് ഫിനാന്സ് കോര്പ്പറേഷന് ലിമിറ്റഡ്) എച്ച് ഡി എഫ് സി ബാങ്കില് ലയിച്ചു. അടുത്തമാസം (ജൂലായ്) 1 ന് ലയനം പൂര്ത്തിയാകും എന്നാണ് അറിയിപ്പ്.
ലയനം പൂര്ത്തിയാകുന്നതോടെ എച്ച് ഡി എഫ് സി ബാങ്ക് മാത്രമേ അവശേഷിക്കൂ. ഈ മാസം 30 ന് ഇരു ധനകാര്യ സ്ഥാപനങ്ങളുടെയും ഡയരക്ടര് ബോര്ഡ് യോഗങ്ങള് ചേരും. ഈ യോഗം ഇരു സ്ഥാപനങ്ങളും വ്യത്യസ്തമായി ചേരുന്ന അവസാന യോഗമായിരിക്കും. അടുത്തമാസം 13 മുതല് എച്ച് ഡി എഫ് സി ലിമിറ്റഡിന്റെ ഓഹരികള് എച്ച് ഡി എഫ് സി ബാങ്കിന്റെതായിത്തീരും. കഴിഞ്ഞ വര്ഷം ഏപ്രില് 4 നാണ് ഇരു സ്ഥാപനങ്ങളും ലയന തീരുമാനം പ്രഖ്യാപിച്ചത്.
ലയനം പ്രഖ്യാപിച്ചതോടെ എച്ച് ഡി എഫ് സി ലിമിറ്റഡിന്റെയും എച്ച് ഡി എഫ് സി ബാങ്കിന്റെയും ഓഹരി മൂല്യം വര്ദ്ധിച്ചു. 1. 49 ശതമാനത്തിന്റെ വര്ദ്ധനവാണ് ഉണ്ടായത്. ലയനം പൂര്ത്തിയാകുന്നതോടെ എച്ച് ഡി എഫ് സി ബാങ്കിന്റെ ആസ്തി 168 ബില്ല്യന് ഡോളര് ആയി ഉയരും. ബാങ്കിന്റെ പ്രവര്ത്തന മേഖലയും വിപുലീകരിക്കപ്പെടും.