തിരുവനന്തപുരം: എസ് എസ് എല് സി പരീക്ഷ ഫലം പ്രഖ്യാപിച്ചു. 99.70 ശതമാനമാണ് വിജയം. 68604 വിദ്യാര്ത്ഥികള് ഫുള് എ പ്ലസ് വാങ്ങി. ഏറ്റവും കൂടുതൽ എ പ്ലസ് നേടിയ വിദ്യാര്ത്ഥികള് മലപ്പുറം ജില്ലയിലാണ്. ഏറ്റവും കുറവ് വിജയശതമാനം വയനാട് ജില്ലയിലാണ്. 98.41%. പാലാ, മൂവാറ്റുപുഴ ഉപജില്ലകളില് 100% ആണ് വിജയം. ഏറ്റവും കൂടുതല് എ പ്ലസ് നേടിയത് മലപ്പുറം ജില്ല. 4856 പേർ ആണ് എ പ്ലസ് നേടിയത്. ഏറ്റവും കൂടുതൽ കുട്ടികൾ പരീക്ഷ എഴുതിയത് എടരിക്കോട് സ്കൂൾ 100 വിജയം നേടി. 1876 വിദ്യാര്ത്ഥികളാണ് ഇവിടെ പരീക്ഷയെഴുതിയത്.
4,19,218 വിദ്യാര്ത്ഥികളാണ് ഇത്തവണ എസ് എസ് എല് സി പരീക്ഷ എഴുതിയത്. ഇതില് 4,17,864 വിദ്യാര്ത്ഥികളാണ് ഉപരിപഠനത്തിന് യോഗ്യത നേടിയത്. മറ്റന്നാൾ പ്രഖ്യാപിക്കുമെന്ന് നേരത്തെ അറിയിച്ച ഫലമാണ് ഒരു ദിവസം നേരത്തെ വന്നത്. രണ്ട് വർഷത്തെ ഇടവേളക്ക് ശേഷം ഇത്തവണ വിദ്യാര്ത്ഥികള്ക്ക് ഗ്രേസ് മാർക്കും നല്കിയിട്ടുണ്ട്. പരീക്ഷാഫലം വൈകിട്ട് നാല് മണി മുതല് ഇന്ഫര്മേഷന് ആന്ഡ് പബ്ലിക് റിലേഷന്സ് വകുപ്പിന്റെ പി.ആര്.ഡി. ലൈവ് മൊബൈല് ആപ്പിലും വിവിധ വെബ്സൈറ്റുകളിലും ലഭിക്കും