കൊച്ചി: ജൂഡ് ആന്റണി സംവിധാനം ചെയ്ത 2018 സിനിമയുടെ ഒ.ടി.ടി റൈറ്റ് സ്വന്തമാക്കിയിരിക്കുന്നത് സോണി ലൈവാണെന്ന് റിപ്പോര്ട്ട്. ഒ.ടി.ടി പ്ലേയാണ് ഇക്കാര്യ റിപ്പോർട്ട് ചെയ്തിരിക്കുന്നത്. എന്നാല് ഇതുമായി ബന്ധപ്പെട്ട് പ്രതികരിക്കാന് സിനിമയുടെ അണിയറ പ്രവര്ത്തകര് ഇതുവരെ തയ്യാറായിട്ടില്ല. ഈ വർഷത്തെ ഏറ്റവും വലിയ ഹിറ്റിലേക്കാണ് '2018' എന്ന ചിത്രം കുതിക്കുന്നതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്.
കേരളത്തെ നടുക്കിയ പ്രളയം ഇതിവൃത്തമാക്കിയാണ് ജൂഡ് ആന്റണി സിനിമ സംവിധാനം ചെയ്തിരിക്കുന്നത്. സിനിമയ്ക്ക് മികച്ച പ്രതികരണമാണ് ലഭിക്കുന്നത്. കഴിഞ്ഞ മൂന്ന് ദിവസങ്ങളിലായി കേരളത്തിൽ നിന്ന് മാത്രം ലഭിച്ചത് ഒൻപത് കോടി രൂപയാണ്. യുഎഇ കലക്ഷനായി 9.3 കോടി രൂപ ലഭിച്ചുവെന്നും റിപ്പോര്ട്ടുകള് പറയുന്നു.
ടോവിനോ തോമസ്, ആസിഫ് അലി, കുഞ്ചാക്കോ ബോബന്, ഇന്ദ്രന്സ്, വിനീത് ശ്രീനിവാസന്, ലാല്, നരെയ്ന്, അപര്ണ ബാലമുരളി, അജു വര്ഗീസ് തുടങ്ങിയ താരങ്ങളാണ് ചിത്രത്തില് വേഷമിടുന്നത്. ഈ വര്ഷം മലയാളത്തില് ഇറങ്ങിയ സിനിമകളില് വളരെ വേഗം ഹിറ്റിലേക്ക് കുതിക്കുന്ന ചിത്രമായി മാറിയിരിക്കുകയാണ് 2018. അഖില് പി ധര്മജന് തിരക്കഥ ഒരുക്കിയ ചിത്രത്തിന്റെ ഛായാഗ്രഹണം നിര്വഹിച്ചത് അഖില് ജോര്ജാണ്. ചമന് ചാക്കോ ചിത്രസംയോജനം. നോബിന് പോളിന്റേതാണ് സംഗീതം.