കേരളത്തിലെ പ്രബല സമുദായം നായന്മാരാണെന്ന് എഡിജിപി എസ്. ശ്രീജിത്ത്. നായന്മാരുടെ രീതികള് മറ്റ് സമുദായങ്ങള് പകര്ത്തുകയായിരുന്നെന്നും ആശാരിമാര്ക്കും ഈഴവന്മാര്ക്കും മുസ്ലീങ്ങള്ക്കുമൊന്നും തറവാടില്ലെന്നും എസ് ശ്രീജിത്ത് പറഞ്ഞു. സിവില് സര്വ്വീസ് പരിശീലന ക്ലാസിലായിരുന്നു എഡിജിപിയുടെ പരാമര്ശം. യുപിഎസ്സി കേരള യൂട്യൂബില് ശ്രീജിത്ത് ഐപിഎസിന്റെ വീഡിയോ പങ്കുവെച്ചിട്ടുണ്ട്. വീഡിയോ വൈറലായതോടെ ഇയാള്ക്കെതിരെ വ്യാപക വിമര്ശനമാണ് ഉയര്ന്നുവരുന്നത്.
എസ് ശ്രീജിത്ത് പറഞ്ഞത്:
മരുമക്കത്തായത്തില് വിശ്വസിക്കുന്നവരെ ലോകത്തെല്ലായിടത്തും കാണുന്നത് ട്രൈബല്സായിട്ടാണ്. അവര് അപരിഷ്കൃതരും അധകൃതരുമാണ്. അതിന് വ്യത്യാസമുളള ഒരേയൊരു ഭൂപ്രദേശം കേരളമാണ്. ഇവിടുത്തെ നായന്മാരാണ് അതിനുകാരണം. ഡോമിനന്റ് കാസ്റ്റ് എന്നൊരു കണ്സപ്റ്റുണ്ട്. ഇവിടുത്തെ ഡോമിനന്റ് കാസ്റ്റ് ആരാ? ഡോമിനന്റ് കാസ്റ്റിന്റെ ലക്ഷണങ്ങളെന്തൊക്കെയാണെന്ന് അറിയാമോ? അവരുടെ രീതികളാണ് ഇതര സമുദായങ്ങള് പകര്ത്തുക.
മുസ്ലീങ്ങള്ക്ക് (ക്ലാസിലിരുന്ന പെണ്കുട്ടിയുടെ പേര് പറഞ്ഞ്) എന്നാണ് തറവാടുണ്ടായത്? ഇസ്ലാമല്ലേ? നിങ്ങള്ക്കെവിടെയാണ് തറവാട്? തറവാട് എന്നത് ഒരു നായര് കണ്സപ്റ്റ് ആണ്. തറവാട് നായരുടെ വാക്കാണ്. നമ്പൂതിരിയാണ് ഡോമിനന്റ് കാസ്റ്റ് എന്നാണെങ്കില് നമ്മള് ഇല്ലം എന്നാണ് പറയുക. അല്ലെങ്കില് മന എന്ന് പറയും. ഇപ്പോള് ആശിമാരും ഈഴവന്മാരും പറയും തറവാട് എന്ന്. മുസ്ലീങ്ങളും പറയും തറവാട് എന്ന്. നിങ്ങള്ക്ക് (മുസ്ലീങ്ങള്ക്ക്) ജാതിയില്ലെന്ന് അറിയാമോ ? പ്രവാചകന് ജാതിയുണ്ടായിരുന്നോ? ഇല്ല. ഇവര് എന്തുചെയ്തെന്ന് അറിയുമോ? ഒരു പ്രത്യേക ജാതിയുടെ ഭാഷകളും സംജ്ഞകളും മാത്രം ഉപയോഗിക്കുന്നു. അതാണ് ഡോമിനന്റ് കാസ്റ്റിന്റെ പ്രത്യേകത.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക