കൊച്ചി: മലയാള സിനിമയില് നായകനുവേണ്ടി ഒരു നായിക എന്ന അവസ്ഥ മാറിയെന്ന് നടി ഭാവന. മലയാള സിനിമ എല്ലാ കാലത്തും സ്ത്രീ കഥാപാത്രങ്ങളെ പരിഗണിച്ചിട്ടുണ്ടെന്നും പുതിയ സിനിമകളില് സ്ത്രീകള്ക്ക് കുറച്ചുകൂടി പ്രാധാന്യം ലഭിക്കുന്നുണ്ടെന്നും ഭാവന പറഞ്ഞു. മാതൃഭൂമി ന്യൂസിന് നല്കിയ അഭിമുഖത്തിലായിരുന്നു നടിയുടെ പ്രതികരണം.
'മലയാള സിനിമ ഒരുപാട് മാറി. പുതിയ സാങ്കേതിക വിദഗ്ദര്, അഭിനേതാക്കള് അങ്ങനെ ഒരുപാട് മാറ്റങ്ങളുണ്ടായി. സിനിമയുടെ മേക്കിംഗും മാറി. ഇപ്പോള് കൂടുതലും റിയലിസ്റ്റിക് സിനിമകളാണ് റിലീസാവുന്നത്. മലയാള സിനിമ എല്ലാ കാലത്തും സ്ത്രീ കഥാപാത്രങ്ങളെ പരിഗണിച്ചിട്ടുണ്ട്. എന്റെ സൂര്യപുത്രിക്ക്, മണിച്ചിത്രത്താഴ് തുടങ്ങി സ്ത്രീകള്ക്ക് പ്രാധാന്യമുളള ഒട്ടേറേ സിനിമകള് നമുക്കുണ്ടായിട്ടുണ്ട്. ഇപ്പോള് സ്ത്രീകള്ക്ക് കുറച്ചുകൂടി പ്രാധാന്യം കിട്ടുന്നുണ്ട്. നായകനുവേണ്ടി ഒരു നായിക എന്ന അവസ്ഥ മാറി. നേരത്തെ നായകന്, നായിക, വില്ലന് എന്നതായിരുന്നു അവസ്ഥയെങ്കില് ഇന്ന് ചെറിയ കഥാപാത്രങ്ങള്ക്കുപോലും അവരുടേതായ റോളുണ്ട്. പ്രാധാന്യമുണ്ട്'- ഭാവന പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നവാഗതനായ ആദില് മൈമുനാഥ് അഷ്റഫ് സംവിധാനം ചെയ്യുന്ന ന്റിക്കാക്കാക്കൊരു പ്രേമണ്ടാര്ന്ന് ആണ് ഭാവനയുടേതായി ഇനി പുറത്തിറങ്ങാനിരിക്കുന്ന ചിത്രം. ഭാവനയും ഷറഫുദ്ദീനുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. അശോകന്, അനാര്ക്കലി നാസര്, ഷെബിന് ബെന്സണ്, അഫ്സാന ലക്ഷ്മി തുടങ്ങിയവരാണ് മറ്റ് പ്രധാന കഥാപാത്രങ്ങളായെത്തുന്നത്.