തിരുവനന്തപുരം: മേയര് ആര്യ രാജേന്ദ്രനെതിരെ അധിക്ഷേപ പരാമര്ശവുമായി രാജ്യസഭാ എം പിയും കോണ്ഗ്രസ് നേതാവുമായ ജെബി മേത്തര്. പോസ്റ്റർ എഴുതി ഒട്ടിച്ച പെട്ടിയുമായാണ് ജെബി മേത്തർ എത്തിയത്. “കട്ട പണവുമായി മേയറുകുട്ടി കോഴിക്കോട്ടേക്ക് വിട്ടോ ” എന്നാണ് പോസ്റ്ററിൽ എഴുതിയിരുന്നത്. കോഴിക്കോട് ബാലുശേരി എംഎല്എ സച്ചിന്ദേവാണ് ആര്യയുടെ പങ്കാളി. ഭര്ത്താവിന്റെ നാട് കോഴിക്കോട് എന്ന നിലക്കാണ് എംപി മേയര്ക്കെതിരെ ഇത്തരമൊരു പരാമര്ശം ഉന്നയിച്ചതെന്ന ആരോപണം സാമൂഹിക മാധ്യമങ്ങളിടക്കം ഉയര്ന്നുവന്നിരുന്നു. ഈ സാഹചര്യത്തില് ഭർത്താവിൻ്റെ നാട് എന്ന നിലയ്ക്ക് അല്ല അത്തരമൊരു പോസ്റ്റര് എഴുതിയതെന്ന് വിശദീകരിച്ച് ജെബി മേത്തർ രംഗത്തെത്തി.
അതേസമയം, കത്ത് വിവാദത്തില് മേയര്ക്കെതിരെയുള്ള പ്രതിഷേധ പരിപാടികള് ഇന്നും തുടരുകയാണ്. യൂത്ത് കോൺഗ്രസ് പ്രവർത്തകർ നഗരസഭയിലേക്ക് തള്ളിക്കയറാൻ ശ്രമിച്ചതോടെയാണ് പൊലീസുമായി ഉന്തും തള്ളും ഉണ്ടായി. പ്രവർത്തകരെ അറസ്റ്റ് ചെയ്ത് കൊണ്ടുപോകാൻ ശ്രമിച്ച പൊലീസ് ബസ് പ്രതിഷേധക്കാര് തടഞ്ഞു. നഗരസഭയുടെ ഗേറ്റ് പ്രതിഷേധക്കാര് പൂട്ടിയതിനെ തുടർന്ന് മറ്റൊരു ഗേറ്റ് വഴി വാഹനം പോയത്. അതിനിടെ മേയർ ആര്യ രാജേന്ദ്രന് ഹൈക്കോടതിയുടെ നോട്ടീസ് ലഭിച്ചു. സർക്കാർ അടക്കമുള്ള എതിർ കക്ഷികൾക്കും നോട്ടീസ് നൽകാനാണ് ഹൈക്കോടതിയുടെ തീരുമാനം. ഹർജിയിന്മേൽ മേയർ അടക്കമുള്ള എതിർ കക്ഷികൾ വിശദീകരണം നൽകണമെന്നും കോടതി നിർദ്ദേശം നല്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നഗരസഭയിലെ ആരോഗ്യവിഭാഗവുമായി ബന്ധപ്പെട്ടുളള തസ്തികകളിലേക്ക് 295 ഒഴിവുകളുണ്ടെന്ന് ചൂണ്ടിക്കാട്ടി മേയറുടെ പേരില് ജില്ലാ സെക്രട്ടറിക്ക് അയച്ച കത്ത് പുറത്തുവന്നിരുന്നു. തിരുവനന്തപുരം മേയറുടെ ഔദ്യോഗിക ലെറ്റര് പാഡിലയച്ച കത്തില് വിവിധ തസ്തികകളും ഒഴിവുകളുടെ എണ്ണവുമെല്ലാം ഉള്പ്പെടുത്തിയിട്ടുണ്ട്. കത്ത് പുറത്തായതോടെ മേയര്ക്കെതിരെ വ്യാപക വിമര്ശനം ഉയര്ന്നുവന്നിരുന്നു. സ്വന്തം പാര്ട്ടിക്കാരെ മാത്രം നിയമിക്കാന് ഒരു മേയര് മുന്കയ്യെടുക്കുന്നത് സത്യപ്രതിജ്ഞാ ലംഘനമാണെന്നാണ് പ്രതിപക്ഷത്തിന്റെ ആരോപണം. ഇതേ തുടര്ന്നാണ് ആര്യ രാജേന്ദ്രന് രാജിവെക്കണമെന്ന് പ്രതിപക്ഷം ആവശ്യപ്പെട്ടത്. എന്നാല് കത്ത് എഴുതിയത് താനല്ലെന്ന നിലപാടില് ഉറച്ച് നില്ക്കുകയാണ് ആര്യ രാജേന്ദ്രന്.