നടി മഞ്ജു വാര്യര് മലയാളികള്ക്ക് ഏറെ പ്രിയപ്പെട്ട നടിയാണ്. പതിനാലുവര്ഷത്തെ ഇടവേളയ്ക്കുശേഷം നടി മലയാള സിനിമയിലേക്ക് നടത്തിയ തിരിച്ചുവരവ് ആരാധകര് വലിയ ആഘോഷമാക്കിയിരുന്നു. തമിഴിലും മലയാളത്തിലുമായി മഞ്ജു സജീവമായി തുടരുകയാണ്. ഇപ്പോഴിതാ, മഞ്ജു വാര്യര്ക്ക് നന്ദി പറഞ്ഞുളള ആരാധികയുടെ കത്താണ് സമൂഹമാധ്യമങ്ങളില് വൈറലാവുന്നത്. പതിനേഴ് വര്ഷങ്ങള്ക്കുശേഷം തന്റെ അമ്മ നൃത്തം ചെയ്തെന്നും അതിനുകാരണം മഞ്ജു ആന്റിയാണെന്നുമാണ് ആരാധിക കത്തില് പറയുന്നത്. 'ചില സ്നേഹപ്രകടനങ്ങള് വിലമതിക്കാനാവാത്തതാണ്' എന്ന അടിക്കുറിപ്പോടെ മഞ്ജു തന്നെയാണ് ആരാധികയുടെ കത്ത് ഇന്സ്റ്റഗ്രാമില് പങ്കുവെച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'പ്രിയപ്പെട്ട മഞ്ജു ആന്റി, ഞാന് നിങ്ങളുടെ അധികം സിനിമകള് കണ്ടിട്ടില്ല. മമ്മയും പപ്പയും പറഞ്ഞ് നിങ്ങളെ അറിയാം. സുജാതയാണ് ഞാന് കണ്ടിട്ടുളളതില് ഓര്ത്തുവയ്ക്കുന്ന ചിത്രം. നിങ്ങള് ഞങ്ങള്ക്കെല്ലാവര്ക്കും വലിയ പ്രചോദനമാണ് എന്ന് എനിക്കറിയാം. എന്റെ മമ്മ പതിനേഴ് വര്ഷങ്ങള്ക്കുശേഷം വീണ്ടും നൃത്തം ചെയ്തു. അതിനുകാരണം നിങ്ങളാണ്. ഒരുപാട് നന്ദി. ഇതുപോലെ നിരവധി ആന്റിമാര് ഒളിഞ്ഞുകിടക്കുന്ന കഴിവുകളെ പുറത്തുകൊണ്ടുവന്നതിനുകാരണം നിങ്ങളാണ്. നിങ്ങളെ ഒരുപാടിഷ്ടമാണ്. ഇനിയും ഒരുപാടുപേര്ക്ക് പ്രചോദനമാവുക. സ്നേഹത്തോടെ ദേവൂട്ടി'-എന്നാണ് കത്തില് പറയുന്നത്.