തിരുവനന്തപുരം: സംസ്ഥാനത്ത് കാലവര്ഷം ശക്തമായതായി കാലാവസ്ഥാ നിരീക്ഷണ കേന്ദ്രം അറിയിച്ചു. നാളെ മുതല് വെള്ളിയാഴ്ച വരെ കേരളം, കര്ണാടക സംസ്ഥാന തീരങ്ങളില് ശക്തമായ കാറ്റുവീശാന് സാധ്യതയുണ്ട്. അത് ചിലപ്പോള് 50 കിലോമീറ്റര് വരെ വേഗത കൈവരിക്കാന് സാധ്യതയുണ്ട് എന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ഇക്കാരണത്താല് മത്സ്യബന്ധന തൊഴിലാളികള് കടലില് പോകരുതെന്ന ജാഗ്രതാ നിര്ദ്ദേശവും പുറപ്പെടുവിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കാലവര്ഷം ശക്തമായ സാഹചര്യത്തില് ഇന്ന് സംസ്ഥാനത്ത് ആറ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. കോഴിക്കോട്, മലപ്പുറം, എറണാകുളം, ഇടുക്കി, കോട്ടയം, ആലപ്പുഴ എന്നീ ജില്ലകളിലാണ് ഇന്ന് യെല്ലോ അലര്ട്ട്. നാളെ കോഴിക്കോട്, മലപ്പുറം, തൃശൂര്, എറണാകുളം, ഇടുക്കി, കോട്ടയം എന്നീ ജില്ലകളിലും വ്യാഴാഴ്ച കോഴിക്കോട്, മലപ്പുറം, തൃശൂര്, എറണാകുളം, ഇടുക്കി ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.