തിരുവനന്തപുരം: തമിഴ് നടന് സൂര്യക്ക് പിറന്നാളാശംസകളുമായി 'അയൻ’ സിനിമയിലെ നൃത്തരംഗവും സംഘട്ടനവും പുനരാവിഷ്കരിച്ച് സമൂഹമാധ്യമങ്ങളിൽ വൈറലായ തിരുവനന്തപുരം ചെങ്കല്ച്ചൂള രാജാജി നഗറിലെ കുട്ടികള്ക്കാണ് സിനിമയില് അവസരം ലഭിച്ചിരിക്കുന്നത്. കണ്ണന് താമരക്കുളം സംവിധാനം ചെയ്യുന്ന 'വിരുന്ന്' എന്ന ചിത്രത്തിലാണ് ഇവര് അഭിനയിക്കുക. സാമൂഹിക മാധ്യമങ്ങളില് പങ്കുവെച്ച വീഡിയോ വൈറലാവുകയും, നടന് സൂര്യ ഷെയര് ചെയ്യുകയും ചെയ്തതോടെയാണ് കുട്ടികള് ശ്രദ്ധിക്കപ്പെട്ടത്.
പ്രമുഖ താരങ്ങളായ അർജുൻ, നിക്കി ഗൽറാണി എന്നിവർക്കൊപ്പമാണ് അഭിനയിക്കാൻ 11 അംഗ സംഘത്തിന് അവസരം ലഭിച്ചത്. നായികയായ നിക്കി ഗല്റാണിയെ തട്ടികൊണ്ട് പോകുന്ന സംഘത്തിലെ ആളുകളായാണ് ഇവരെത്തുക. സിനിമയില് അഭിനയിക്കുകയാണ് തങ്ങളുടെ ലക്ഷ്യമെന്ന വെളിപ്പെടുത്തല് ശ്രദ്ധയില്പ്പെട്ടാണ് കണ്ണന് താമരക്കുളം ഇവരെ സിനിമയിലേക്ക് വിളിച്ചത്. ഡാന്സും, സംഘട്ടനവും എഡിറ്റ് ചെയ്ത അബിന് വിരുന്നിലെ എഡിറ്ററുടെ സഹായിയായി പ്രവര്ത്തിക്കുന്നുണ്ട്.