തിരുവനന്തപുരം: കേരളാ കോണ്ഗ്രസ് എം പാര്ട്ടി വിട്ടുപോയതാണ് തങ്ങള് പുറത്താക്കിയതല്ലെന്ന് പ്രതിപക്ഷ നേതാവ് വി. ഡി. സതീശന്. ജോസ് കെ. മാണിയുടെ പിതാവ് മാണി കെ. എം. മാണിയെ അപമാനിച്ചിട്ടും ആ പാര്ട്ടിയില് തുടരണോ എന്ന് അവര് ആത്മപരിശോധന നടത്തട്ടേയെന്നും അദ്ദേഹം പറഞ്ഞു. നിയമസഭാ കയ്യാങ്കളിക്കേസില് കെ. എം. മാണി അഴിമതിക്കാരനായതുകൊണ്ടാണ് പ്രതിഷേധം നടത്തിയതെന്ന് സര്ക്കാര് അഭിഭാഷകന് വാദിക്കുകയും സത്യവാങ്മൂലം നല്കുകയും ചെയ്ത സംഭവത്തിലാണ് വി. ഡി. സതീശന്റെ പ്രതികരണം.
പൊതുസ്വത്ത് നശിപ്പിക്കുകയെന്നത് ക്രിമിനല് കുറ്റമാണ്. പരസ്യമായി, ലോകത്തിലെ മുഴുവന് മലയാളികളെയും സാക്ഷിയാക്കി നിയമസഭയുടെ പൊതുസ്വത്ത് നശിപ്പിച്ചത് നമ്മള് കണ്ടതാണ്. ഈ എംഎല്എമാര്ക്ക് എന്ത് പ്രിവിലേജാണ് ഉളളത്, ഈ കേസ് പിന്വലിക്കാന് സര്ക്കാരിനെ അനുവദിച്ചാല് നാളെ ഒരു സിപിഎം എംഎല്എ അതല്ലെങ്കില് ഒരു എല്ഡിഎഫ് എംഎല്എ ഞങ്ങളെ കുത്തിക്കൊന്നാലോ ? അപ്പോഴും നിയമസഭയുടെ പ്രിവിലേജ് കിട്ടുമോ എന്നും വി. ഡി. സതീശന് ചോദിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നിയമസഭയില് സംസാരിക്കുന്ന കാര്യങ്ങള്ക്ക് അതിന്റെ പേരില് കേസെടുക്കാന് പാടില്ല എന്നതാണ് പ്രിവിലേജ്, നിയമസഭയ്ക്കകത്തോ പാര്ലമെന്റിലോ ചെയ്യുന്ന ക്രിമിനല് കുറ്റത്തില് പ്രിവിലേജ് ലഭിക്കുന്നത് എങ്ങനെയാണ് എന്നും സതീശന് ചോദിച്ചു.