ഡല്‍ഹി: ദേശ സുരക്ഷാ നിയമ പ്രകാരം അറസ്റ്റു ചെയ്തു ജയിലിലടച്ച ഡോ.കഫീല്‍ഖാന്‍റെ കേസുമായി ബന്ധപ്പെട്ട് ഹൈക്കോടതിയെ സമീപിക്കണമെന്ന് സുപ്രീം കോടതി. ഡോ.കഫീല്‍ഖാന്‍റെ അമ്മ നല്‍കിയ ഹര്‍ജിയിലാണ് സുപ്രീം കോടതി ഉത്തരവ്. ജനുവരി 29 - ന് മുംബയിലാണ് ഡോ.കഫീല്‍ഖാന്‍ അറസ്റ്റു ചെയ്യപ്പെട്ടത്. അലിഗര്‍ കോടതി ജാമ്യം അനുവദിച്ചെങ്കിലും തൊട്ടു പിറകെ സര്‍ക്കാര്‍ ദേശ സുരക്ഷാ നിയമം ചുമത്തുകയായിരുന്നു.
ഉത്തര്‍പ്രദേശിലെ ശിശുമരണവുമായി ബന്ധപ്പെട്ട് ദേശീയ ശ്രദ്ധ നേടിയ ഉത്തര്‍പ്രദേശിലെ ശിശുരോഗ വിദഗ്ദനാണ് ഡോ.കഫീല്‍ഖാന്‍. സി.എ.എ-ക്കെതിരെയുള്ള സമരത്തില്‍ നടത്തിയ പ്രസംഗത്തിന്‍റെ പേരിലാണ് യു.പി.പോലിസ് ഇദ്ദേഹത്തിനെതിരെ ദേശ സുരക്ഷാ നിയമ പ്രകാരം കേസ് എടുത്തത്.
