ഡല്ഹി: റഷ്യന് നിര്മ്മിത കൊവിഡ് വാക്സിനായ സ്പുട്നിക് വി ഏപ്രിലോടുകൂടി ഇന്ത്യയില് വിതരണത്തിന് സജ്ജമാകും. ഇന്ത്യയില് വാക്സിന്റെ പരീക്ഷണങ്ങള് നടന്നുവരുന്നതായും മാര്ച്ച് ഏപ്രില് മാസങ്ങളിലായി രാജ്യത്ത് വിതരണത്തിനു തയാറാകുമെന്നും ഡോ. റെഡ്ഡീസ് ലാബോറട്ടറി ഫാര്മ സര്വീസസ് മേധാവി ദീപക് സപ്ര വ്യക്തമാക്കി.
സ്പുട്നിക് വി വാക്സിന് 91.6 ശതമാനം ഫലപ്രദമാണെന്ന് കണ്ടെത്തിയിട്ടുണ്ട്. ഇന്ത്യയില് സ്പുട്നിക് വാക്സിന്റെ വില നിശ്ചയിച്ചിട്ടില്ല ലോകത്തിന്റെ മറ്റു ഭാഗങ്ങളിലെ വാക്സിന്റെ വിലയുമായി താരതമ്യപ്പെടുത്തിയാവും വില നിശ്ചയിക്കുകയെന്നും അദ്ദേഹം അറിയിച്ചു. സ്പുട്നിക് വി വാക്സിന് ദ്രാവകരൂപത്തിലും പൗഡറായും ലഭ്യമാണ്. ദ്രാവകരൂപത്തിലുളള വാക്സിന് മൈനസ് 18 ഡിഗ്രി സെല്ഷ്യസില് സൂക്ഷിക്കേണ്ടതുണ്ട്. പൗഡറിന് രണ്ടുമുതല് എട്ട് ഡിഗ്രി സെല്ഷ്യസ് താപനിലയും ആവശ്യമാണ്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
നിലവില് സെറം ഇന്സ്റ്റിറ്റ്യൂട്ടിന്റെ കൊവിഷീല്ഡ്, ഭാരത് ബയോടെക്കിന്റെ കോവാക്സിന് എന്നീ വാക്സിനുകളാണ് രാജ്യത്തെ ജനങ്ങള്ക്കായി വിതരണം ചെയ്യുന്നത്. ആദ്യഘട്ടത്തില് രാജ്യത്തെ ആരോഗ്യപ്രവര്ത്തകര്, പൊലീസ്, ശുചിത്വ തൊഴിലാളികള് തുടങ്ങിയവര്ക്കാണ് വാക്സിനേഷന് നടക്കുന്നത്.