ഡൽഹിയിലെ കർഷക പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് ജന്മദിന ആഘോഷങ്ങൾ ഒഴിവാക്കി കോൺഗ്രസ് പ്രസിഡന്റ് സോണിയാഗാന്ധി. കോവിഡ് പകർച്ച വ്യാധിയെ തുടർന്ന രാജ്യത്തുണ്ടായ ദുരിതങ്ങളും ആഘോഷങ്ങൾ ഒഴിവാക്കാൻ കാരണമായി. എവിടെയും ഒരു തരത്തിലുള്ള ആഘോഷങ്ങൾ പാടില്ലെന്ന് എഐസിസി നേതൃത്വം സംഘടനാ ഭാരവാഹികളെയും പിസിസി അധ്യക്ഷന്മാരെ അറിയിച്ചിട്ടുണ്ട്.
കർഷകർ തെരുവിൽ പ്രക്ഷോഭത്തിലാണ് , സർക്കാരിൽ നിന്നുള്ള ക്രൂരമായ അടിച്ചമർത്തലുകളാണ് കർഷകർ നേരിടുന്നത്, അതിനാൽ ആഘോഷങ്ങൾക്ക് പകരം ദുരിതം അനുഭവിക്കുന്നവർക്ക് ആശ്വാസം പകരുന്ന നടപടികൾ എടുക്കാൻ സോണിയ ഗാന്ധി അഭ്യർത്ഥിച്ചതായി സംഘടനാ ചുമതലയുള്ള ജനറൽ സെക്രട്ടറി കെ സി വേണുഗോപാൽ പിസിസി അധ്യക്ഷന്മാരോട് ആവശ്യപ്പെട്ടു.
ജന്മദിനത്തിൽ കേക്ക് മുറിക്കൽ ഉൾപ്പെടെയുള്ള എല്ലാത്തരം ആഘോഷങ്ങളും ഒഴിവാക്കണമെന്നാണ് നിർദ്ദേശം.
സോണിയാഗാന്ധിയുടെ 64 ആം ജന്മദിനമാണ് ഇന്ന്. 1946 ഡിസംബർ 9 ന് ഇറ്റലിയിലെ വിക്കെൻസാ ഗ്രാമത്തിലാണ് ജനിച്ചത്. 1968 ൽ രാജീവ് ഗാന്ധിയെ വിവാഹം ചെയ്തു.
