ഡല്ഹി: ദേശ സുരക്ഷ പ്രശ്നങ്ങളില് ഒരു പ്രത്യേക സമുദായത്തെ ലക്ഷ്യം വയ്ക്കുന്നതും ദേശവിരുദ്ധമെന്ന് മുദ്രകുത്തുന്നതും അനുവദിക്കാനാവില്ലെന്ന് സുപ്രീം കോടതി. ഇത് ആ സമുദായത്തിലെ അംഗങ്ങളെ ദേശീയ മുഖ്യധാരയില് നിന്ന് അകറ്റുന്നതിനു കാരണമാവും.
കേന്ദ്ര സര്ക്കാര് സേവനങ്ങളില് ജിഹാദികള് നുഴഞ്ഞു കയറിയെന്നാരോപിച്ച സുദര്ശന ന്യൂസ് ചാനല് പ്രോഗ്രാമിനിതിരെയുള്ള ഹര്ജിയില് ആയിരുന്നു സുപ്രീം കോടതിയുടെ പ്രതികരണം. 'മാധ്യമ സന്ദേശങ്ങള് ഒരു പ്രത്യേക കമ്മ്യൂണിറ്റിയെ ടാര്ഗെറ്റു ചെയ്യാത്തതായിരിക്കണം, ഏകീകൃതവും വൈവിധ്യപൂര്ണ്ണവുമായ ഒരു ഭാവി ജനത ഉണ്ടവേണ്ടതുണ്ട്. ദേശീയ സുരക്ഷയെ നാം അംഗീകരിക്കുന്നു, എന്നാല് വ്യക്തികളെയും ബഹുമാനിക്കേണ്ടതുണ്ട് ' ജസ്റ്റിസ് ഡി.വൈ. ചന്ദ്രചൂഡ് പറഞ്ഞു.
വരും എപ്പിസോഡുകള് ചാനല് ഇത്തരം പ്രവര്ത്തികള് ആവര്ത്തിക്കില്ലെന്ന് ഉറപ്പ് നല്കിയാല് മാത്രമേ പ്രോഗ്രാമിന് ഏര്പ്പെടുത്തിയിട്ടുള്ള സ്റ്റേ ഒഴിവാക്കാന് കഴിയൂ എന്നും കോടതി വ്യക്തമാക്കി.