സംസ്ഥാനത്ത് തിരുവോണ ദിവസം അടക്കം അടുത്ത മൂന്ന് ദിവസം മദ്യവിൽപ്പന ഉണ്ടാകില്ല. ബാറുകളും ബിവറേജ് ഔട്ട്ലെറ്റുകളും ബിയർ വൈൻ പാർലറുകളും അടക്കം എല്ലാം മദ്യവിൽപ്പന തടഞ്ഞ് സർക്കാർ ഉത്തരവിറക്കി. നേരത്തെ ബെവ്കോ, കൺസ്യൂമർഫെഡ് ഔട്ട് ലെറ്റുകൾക്ക് മാത്രമാണ് തിരുവോണ ദിനമായ 31-ന് അവധി നൽകിയിരുന്നത്. ഇതിനു പിന്നാലെയാണ് ബാറുകളിലും മദ്യവിൽപ്പന തടഞ്ഞ് സർക്കാർ ഉത്തരവിറക്കിയത്.
അതേസമയം, മദ്യം വാങ്ങാൻ ഉപഭോക്താവിന് ഇനി ബെവ് ക്യു ആപ്പ് വഴി ഔട്ട്ലെറ്റുകൾ തെരഞ്ഞെടുക്കാനുള്ള സംവിധാനം നിലവില് വന്നു. പിൻ കോഡ് മാറ്റുന്നതിനും സാധിക്കും.
കഴിഞ്ഞവർഷംമുതലാണ് തിരുവോണദിവസം സർക്കാർ ബെവ്കോ, കൺസ്യൂമർഫെഡ് ഔട്ട് ലെറ്റുകൾക്ക് അവധി നൽകിത്തുടങ്ങിയത്. കഴിഞ്ഞ വർഷം ബെവ്കോ, കൺസ്യൂമർഫെഡ് ഔട്ട് ലെറ്റുകൾ മാത്രം അടച്ചിട്ട് ബാറുകൾ തുറക്കാൻ അനുവദിച്ചത് വൻ വിമർശനത്തിനിടയാക്കിയിരുന്നു.