ഇംഫാല്: മണിപ്പൂരില് സമാധാനവും ശാന്തിയും തിരികെ കൊണ്ടുവരുമെന്ന് കോണ്ഗ്രസ് നേതാവ് രാഹുല് ഗാന്ധി. മണിപ്പൂര് ജനത കടന്നുപോകുന്ന വേദനയുടെ ആഴം തങ്ങള്ക്ക് മനസിലാകുന്നുണ്ടെന്നും സംസ്ഥാനത്ത് സമാധാനം തിരികെ കൊണ്ടുവരാന് കോണ്ഗ്രസ് പ്രതിജ്ഞാബദ്ധമാണെന്നും രാഹുല് ഗാന്ധി പറഞ്ഞു. തൗബാലില് ഭാരത് ജോഡോ ന്യായ് യാത്രയുടെ ഉദ്ഘാടനച്ചടങ്ങിലായിരുന്നു രാഹുല് ഇക്കാര്യം പറഞ്ഞത്. പ്രധാനമന്ത്രി നരേന്ദ്രമോദി ഇതുവരെ മണിപ്പൂര് സന്ദര്ശനം നടത്താത്തത് ലജ്ജാകരമാണെന്നും അദ്ദേഹം ചൂണ്ടിക്കാട്ടി.
'ലക്ഷക്കണക്കിന് ജനങ്ങള്ക്ക് ഉറ്റവരെ നഷ്ടമായി. പക്ഷെ നിങ്ങളുടെ കണ്ണുനീര് തുടയ്ക്കാനോ കൈ പിടിക്കാനോ ആലിംഗനം ചെയ്യാനോ പ്രധാനമന്ത്രി ഇവിടെ വന്നിട്ടില്ല. നരേന്ദ്രമോദിക്കും ബിജെപിക്കും ആര്എസ്എസിനും മണിപ്പൂര് ഇന്ത്യയുടെ ഭാഗമല്ല. നിങ്ങളുടെ വേദന അവരുടെ വേദനയല്ല. എന്നാല് മണിപ്പൂരിലെ ജനങ്ങള് അനുഭവിക്കുന്ന വേദന ഞങ്ങള് മനസിലാക്കുന്നു. നിങ്ങളുടെ മുറിവുകളും നൊമ്പരങ്ങളും ഞങ്ങളറിയുന്നു. ഈ നാട് മുന്പ് അറിയപ്പെട്ടിരുന്നത് ശാന്തിയുടെയും സമാധാനത്തിന്റെയും സ്നേഹത്തിന്റെയും പേരിലായിരുന്നു. അത് ഞങ്ങള് തിരികെ കൊണ്ടുവരും'- രാഹുല് ഗാന്ധി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്ര രണ്ടാം ദിവസവും മണിപ്പൂരില് പര്യടനം തുടരുകയാണ്. ഇന്ന് വൈകുന്നേരം യാത്ര നാഗാലാന്ഡില് പ്രവേശിക്കും. ബസില് സഞ്ചരിക്കുന്ന രാഹുല് ഗാന്ധിയും സംഘവും പ്രധാന ഇടങ്ങളില് ഇറങ്ങി ജനങ്ങളെ അഭിസംബോധന ചെയ്യും.