തിരുവനന്തപുരം: സിഎംആര്എല്ലില് നിന്ന് കൈപ്പറ്റിയ പണത്തിന് എക്സാലോജിക് സൊല്യൂഷന്സ് ഐജിഎസ്ടി അടച്ചിട്ടുണ്ടെന്ന് ധനവകുപ്പ് സ്ഥിരീകരിച്ചതിനുപിന്നാലെ മുഖ്യമന്ത്രിയുടെ മകള് വീണാ വിജയനെ പിന്തുണച്ച് തിരുവനന്തപുരം മേയര് ആര്യാ രാജേന്ദ്രന് രംഗത്ത്. 'എത്ര നുണകളാല് കോട്ട കെട്ടിയാലും സത്യത്തിന്റെ ശബ്ദം മുഴങ്ങുമ്പോള് നുണക്കോട്ടകള് തകര്ന്നടിയുക തന്നെ ചെയ്യും'- എന്നാണ് ആര്യാ രാജേന്ദ്രന് ഫേസ്ബുക്കില് കുറിച്ചത്. വീണാ വിജയനൊപ്പമുളള ചിത്രവും അവര് ഫേസ്ബുക്കില് പങ്കുവെച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
വീണാ വിജയന് ഐജിഎസ്ടി അടച്ചുവെന്ന് ധനവകുപ്പാണ് സ്ഥിരീകരിച്ചത്. സിഎംആര്എല്ലില് നിന്ന് കൈപ്പറ്റിയ 1.72 കോടി രൂപയ്ക്കാണ് ഐജിഎസ്ടി അടച്ചത്. വീണാ വിജയന് ഐജിഎസ്ടി അടച്ചതായി ജിഎസ്ടി കമ്മീഷണര് ധനമന്ത്രിക്ക് റിപ്പോര്ട്ട് നല്കി. മാത്യു കുഴല്നാടന് എംഎല്എയുടെ പരാതിയിലാണ് പരിശോധന നടത്തിയത്. കേരളത്തിന് പുറത്തുനിന്നാണ് നികുതി അടച്ചതെന്ന് റിപ്പോര്ട്ടില് പറയുന്നു. എന്നാല് നികുതി അടച്ചതുമായി ബന്ധപ്പെട്ട മറ്റുവിവരങ്ങള് പുറത്തുവിട്ടില്ല. നികുതിദായകന്റെ വിവരങ്ങള് പുറത്തുവിടാന് നിയമതടസമുണ്ടെന്നാണ് ധനവകുപ്പിന്റെ വാദം.