ശ്രീനഗര്: കാര്ഗില്- ലഡാക്ക് സ്വയംഭരണ ഹില്കൗണ്സില് തെരഞ്ഞെടുപ്പില് കോണ്ഗ്രസ്- നാഷണല് കോണ്ഫറന്സ് സഖ്യത്തിന് വമ്പന് ജയം. 26 സീറ്റുകളിലേക്ക് നടന്ന തെരഞ്ഞെടുപ്പില് നാഷണല് കോണ്ഫറന്സ് 12 സീറ്റുകളിലും കോണ്ഗ്രസ് പത്തുസീറ്റുകളിലും വിജയിച്ചപ്പോള് ബിജെപിക്ക് രണ്ട് സീറ്റുകളില് മാത്രമാണ് വിജയിക്കാനായത്. രണ്ട് സീറ്റില് സ്വതന്ത്ര്യ സ്ഥാനാര്ത്ഥികളാണ് വിജയിച്ചത്. 30 അംഗ കാര്ഗില്-ലഡാക്ക് ഹില് ഡെവലപ്മെന്റ് കൗണ്സിലില് നാല് അംഗങ്ങള് നോമിനേറ്റഡാണ്. 2019-ല് ആര്ട്ടിക്കിള് 370 റദ്ദാക്കിയതിനുശേഷം ജമ്മു കശ്മീരില് നടന്ന ആദ്യ തെരഞ്ഞെടുപ്പാണിത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജമ്മു കശ്മീരിനെയും ലഡാക്കിനെയും ജനാധിപത്യവിരുദ്ധമായും ഭരണഘടനാവിരുദ്ധമായും വിഭജിച്ച പാര്ട്ടികള്ക്ക് ജനങ്ങള് നല്കിയ മറുപടിയാണിത് എന്നാണ് ഒമര് അബ്ദുളള പറഞ്ഞത്. മെഹബൂബ മുഫ്തിയുടെ പിഡിപി പാര്ട്ടി തെരഞ്ഞെടുപ്പില് മത്സരിച്ചിരുന്നില്ല. മതേതര പാര്ട്ടികള് നേടിയ വിജയം ആവേശം നല്കുന്നതാണെന്ന് മെഹബൂബ മുഫ്തി പറഞ്ഞു. രാഹുല് ഗാന്ധിയുടെ ഭാരത് ജോഡോ യാത്രയുടെ സ്വാധീനമാണ് തെരഞ്ഞെടുപ്പില് പ്രതിഫലിച്ചതെന്ന് എ ഐ സി സി ജനറല് സെക്രട്ടറി ജയ്റാം രമേശ് പറഞ്ഞു.