സഖാക്കള് കമ്മ്യൂണിസ്റ്റ് പാര്ട്ടി അടുത്ത തവണ അധികാരത്തില് വരാതിരിക്കാന് പ്രാര്ത്ഥിക്കണമെന്ന് കവി സച്ചിതാനന്ദന്. രണ്ടുതവണ അധികാരം ലഭിക്കുന്നത് ഒരു പാര്ട്ടിയെ അഹങ്കാരിയാക്കുമെന്നും മൂന്നാം തവണ കിട്ടുന്ന അധികാരം അതിനെ നശിപ്പിക്കുമെന്നും സച്ചിതാനന്ദന് പറഞ്ഞു. ഗ്രോ വാസുവിന്റെ അറസ്റ്റ് ഇടതുസര്ക്കാര് ചെയ്യാന് പാടില്ലാത്ത ഒന്നായിരുന്നെന്നും ഒരു കമ്മ്യൂണിസ്റ്റ് സര്ക്കാര് ചെയ്യേണ്ട ഒന്നായിരുന്നില്ല അതെന്നും സച്ചിതാനന്ദന് പറഞ്ഞു. ദി ന്യൂ ഇന്ത്യന് എക്സ്പ്രസിന് നല്കിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
'ഗ്രോ വാസുവിന്റെ അറസ്റ്റ് ഞാന് ഗൗരവത്തോടെയാണ് കാണുന്നത്. ഒരു കമ്മ്യൂണിസ്റ്റ് സര്ക്കാര് ചെയ്യേണ്ട ഒന്നല്ല അത്. തെറ്റുകള് സംഭവിച്ചിട്ടുണ്ട്. എന്നിരുന്നാലും കേരളത്തില് ഒരു തിരുത്തല് ശക്തിയുണ്ട്. പശ്ചിമബംഗാളില് നാം കണ്ടതുപോലെ രണ്ട് ടേം ഒരു പാര്ട്ടിയെ അഹങ്കാരിയാക്കുകയും മൂന്ന് ടേം നശിപ്പിക്കുകയും ചെയ്യും. ഞാന് സഖാക്കളോട് പറഞ്ഞുകൊണ്ടേയിരിക്കുന്നത് അടുത്ത തവണ നിങ്ങള് അധികാരത്തില് വരാതിരിക്കാന് പ്രാര്ത്ഥിക്കുക എന്നാണ്'- സച്ചിതാനന്ദന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഗാന്ധിക്കും അംബേദ്കര്ക്കും മാര്ക്സിനും ഇടയില് നാം ഉയര്ത്തിയ മതിലുകള് തകര്ക്കേണ്ടതുണ്ടെന്നും ഗാന്ധിയില് ഒരുപാട് മാര്ക്സും മാര്ക്സില് ഒരുപാട് ഗാന്ധിയുമുണ്ടെന്നും സച്ചിതാനന്ദന് പറഞ്ഞു. ഗാന്ധിജി 1948-ല് അതിജീവിച്ചിരുന്നെങ്കില് ഒരുപക്ഷെ, തന്റെ ജീവിതം മുഴുവന് ജാതി ഉന്മൂലനത്തിനായി സമര്പ്പിക്കുമായിരുന്നെന്നും അദ്ദേഹം കൂട്ടിച്ചേര്ത്തു.