ഡല്ഹി: യോഗി ആദിത്യനാഥ് സര്ക്കാരിന്റെ കാലത്ത് ഉത്തര്പ്രദേശില് നടന്ന ഏറ്റുമുട്ടല് കൊലപാതകങ്ങളുടെ അന്വേഷണ തല്സ്ഥിതി റിപ്പോര്ട്ട് സമര്പ്പിക്കാന് നിര്ദ്ദേശിച്ച് സുപ്രീംകോടതി. കഴിഞ്ഞ ആറു വര്ഷത്തിനിടെയുണ്ടായ 183 കൊലപാതകങ്ങളുടെ റിപ്പോര്ട്ടാണ് സമര്പ്പിക്കേണ്ടത്. ആറ് ആഴ്ചയ്ക്കുള്ളില് റിപ്പോര്ട്ട് നല്കണം.
ജസ്റ്റിസുമാരായ എസ് രവീന്ദ്ര ഭട്ട്, അരവിന്ദ് കുമാര് എന്നിവരടങ്ങിയ ബെഞ്ചാണ് നിര്ദേശം നല്കിയത്. ഏറ്റുമുട്ടല് കൊലപാതകങ്ങളുടെ അന്വേഷണത്തിന് ദേശീയ മനുഷ്യാവകാശ കമ്മീഷന് തയ്യാറാക്കിയ മാര്ഗരേഖയ്ക്ക് സമാനമായ പൊതു മാര്ഗനിര്ദേശം തയ്യാറാക്കുമെന്ന് ബെഞ്ച് വ്യക്തമാക്കി. ഇതിന്റെ ഭാഗമായാണ് ഉത്തര്പ്രദേശിലെ ഏറ്റുമുട്ടല് കൊലപാതകങ്ങളുടെ അന്വേഷണ തല്സ്ഥിതി റിപ്പോര്ട്ട് സംസ്ഥാന അഡ്വക്കേറ്റ് ജനറലിനോട് ആവശ്യപ്പെട്ടത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പൊലീസ് എൻകൗണ്ടറുമായി ബന്ധപ്പെട്ട് നിലവിലുള്ള മുൻകാല മാർഗനിർദേശങ്ങൾ എത്രത്തോളം പാലിച്ചിട്ടുണ്ടെന്നു വ്യക്തമാക്കാനും കോടതി നിർദേശിച്ചു. ഡിജിപി റാങ്കിലുള്ള ഉദ്യോഗസ്ഥൻ വേണം സത്യവാങ്മൂലം സമർപ്പിക്കാൻ. കൂടാതെ, ഏറ്റുമുട്ടൽ കൊലപാതകങ്ങളുമായി ബന്ധപ്പെട്ട് മനുഷ്യാവകാശ കമ്മീഷൻ തയാറാക്കിയ പൊതു മാർഗരേഖയ്ക്ക് സമാനമായത് തയാറാക്കുമെന്നും സുപ്രീം കോടതി ബെഞ്ച് അറിയിച്ചു.