ഡല്ഹി: വരാനിരിക്കുന്ന തെരഞ്ഞെടുപ്പില് ബിജെപിയെ പരാജയപ്പെടുത്തിയില്ലെങ്കില് രാജ്യം മണിപ്പൂര് പോലെ കത്തിയെരിയുമെന്ന് ജമ്മു കശ്മീര് മുന് ഗവര്ണര് സത്യപാല് മാലിക്. ബിജെപി സാമൂഹിക സൗഹാര്ദ്ദത്തിനും നീതിക്കുംവേണ്ടി നിലകൊളളുന്ന പാര്ട്ടിയല്ലെന്നും അധികാരത്തിനുവേണ്ടി എന്തും ചെയ്യുന്നവരാണ് അവരെന്നും സത്യപാല് മാലിക് പറഞ്ഞു. മാധ്യമങ്ങളോടായിരുന്നു അദ്ദേഹത്തിന്റെ പ്രതികരണം.
'മണിപ്പൂരിനെക്കുറിച്ച് മോദി ഇതുവരെ ഒരക്ഷരം മിണ്ടിയിട്ടില്ല. കഴിഞ്ഞ 45 ദിവസമായി സംസ്ഥാനം കത്തുകയാണ്. കേന്ദ്രത്തിലെയും മണിപ്പൂരിലെയും സര്ക്കാരുകള്ക്ക് ഇക്കാര്യത്തില് ആശങ്കയില്ല. ലോക്സഭാ തെരഞ്ഞെടുപ്പുള്പ്പെടെ വരുന്ന തെരഞ്ഞെടുപ്പുകളില് ബിജെപിയെ പരാജയപ്പെടുത്തിയില്ലെങ്കില് രാജ്യം മുഴുവന് മണിപ്പൂര് പോലെ കത്തിയെരിയും'- സത്യപാല് മാലിക് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, തെരഞ്ഞെടുപ്പിന് മുന്നോടിയായുളള വിശാല പ്രതിപക്ഷ യോഗം നാളെ പാറ്റ്നയില്വെച്ച് നടക്കും. രാഹുല് ഗാന്ധി, മല്ലികാര്ജ്ജുന് ഖാര്ഗെ, അരവിന്ദ് കെജ്റിവാള്, മമതാ ബാനര്ജി, എം കെ സ്റ്റാലിന്, അഖിലേഷ് യാദവ്, നിതീഷ് കുമാര്, സീതാറാം യെച്ചൂരി, തേജസ്വി യാദവ് തുടങ്ങിയ നേതാക്കള് യോഗത്തില് പങ്കെടുക്കുമെന്നാണ് റിപ്പോര്ട്ട്.