ഡല്ഹി: വിദ്യാര്ത്ഥികള്ക്കും സ്ത്രീകള്ക്കും ആര്ത്തവ അവധി നല്കണമെന്ന് ആവശ്യപ്പെട്ട് സുപ്രീംകോടതിയില് പൊതുതാല്പ്പര്യ ഹര്ജി ഫയല് ചെയ്തു. അഭിഭാഷകനായ ശൈലേന്ദ്രമണി ത്രിപാഠിയാണ് ഹര്ജി സമര്പ്പിച്ചത്. ആര്ത്തവ സമയത്ത് അവധി നിഷേധിക്കുന്നത് ആര്ട്ടിക്കിള് പതിനാലിന്റെ ലംഘനമാണെന്നും ആര്ത്തവ വേദനയെ എല്ലാവരും അവഗണിക്കുകയാണെന്നും ഹര്ജിയില് പറയുന്നു.
ആര്ത്തവ സമയത്ത് ഒരു സ്ത്രീ അനുഭവിക്കുന്ന വേദന ഹൃദയാഘാത സമയത്ത് ഒരാള് അനുഭവിക്കുന്ന വേദനയ്ക്ക് തുല്യമാണെന്ന് യൂണിവേഴ്സിറ്റി കോളേജ് ലണ്ടന് നടത്തിയ പഠനത്തെ ഉദ്ദരിച്ച് ശൈലേന്ദ്രമണി ഹര്ജിയില് പറയുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആര്ത്തവ വേദന ജീവനക്കാരുടെ ഉല്പ്പാദനക്ഷമത കുറയ്ക്കുമെന്നും അത് അവരുടെ ജോലിയെ ബാധിക്കുമെന്നും അദ്ദേഹം ചൂണ്ടിക്കാട്ടി. ഇവിപാനന്, സൊമാറ്റോ, സ്വിഗി, ബൈജൂസ്, മാതൃഭൂമി, ഗോസൂപ്പ്, മാഗ്സ്റ്റര്, എആര്സി, ഇന്ഡസ്ട്രി തുടങ്ങിയ കമ്പനികള് സ്ത്രീകള്ക്ക് ശമ്പളത്തോടുകൂടി ആര്ത്തവ അവധി നല്കുന്നുണ്ടെന്നും അദ്ദേഹം വ്യക്തമാക്കി.
നിലവില് സ്ത്രീകള്ക്ക് ആര്ത്തവ അവധി നല്കുന്ന ഇന്ത്യയിലെ ഏക സംസ്ഥാനം ബിഹാറാണ്. യുഎസ്, ചൈന, തായ്വാന്, ഇന്തോനേഷ്യ, സൗത്ത് കൊറിയ, സ്പെയിന്, സാമ്പിയ തുടങ്ങിയ രാജ്യങ്ങള് സ്ത്രീകള്ക്ക് ആര്ത്തവ അവധി നല്കുന്നുണ്ട്.