തിരുവനന്തപുരം: വിഴിഞ്ഞം സമരത്തിനിടെ മന്ത്രി ആന്റണി രാജുവിനെതിരെ രൂക്ഷവിമര്ശനവുമായി ലത്തീന് സഭ. ആന്റണി രാജു ചതിയനാണെന്നും അദ്ദേഹത്തെ വിജയിപ്പിച്ചത് തെറ്റായിപ്പോയെന്നും വിഴിഞ്ഞം സമരസമിതി കണ്വീനര് ഫാദര് തിയോഡീഷ്യസ് ഡിക്രൂസ് പറഞ്ഞു. വിഴിഞ്ഞം പ്രശ്നത്തില് മന്ത്രി ലത്തീന് സഭയ്ക്കൊപ്പം നിന്നില്ലെന്നും ഇനിയൊരു തെരഞ്ഞെടുപ്പ് വന്നാല് അദ്ദേഹത്തിന് കെട്ടിവച്ച പണംപോലും ലഭിക്കില്ലെന്നും ഫാദര് പ്രതികരിച്ചു. വിഴിഞ്ഞത്ത് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
'ആന്റണി രാജു ഏതോ സ്വപ്നലോകത്താണ് ജീവിക്കുന്നത്. അദ്ദേഹത്തെ തെരഞ്ഞെടുപ്പില് വിജയിപ്പിക്കാനായി ഞങ്ങള് രാവും പകലും നടന്നിട്ടുണ്ട്. പക്ഷെ ഞങ്ങളെ അദ്ദേഹം ചതിച്ചു. തെരഞ്ഞെടുപ്പ് ജയിച്ചുവന്ന് ആദ്യം നടത്തിയ പ്രസ്താവന തന്നെ ഞങ്ങള്ക്കെതിരായിരുന്നു. ആന്റണി രാജുവിനെ ജയിപ്പിച്ചത് നിര്ഭാഗ്യകരമായിപ്പോയി. ഞങ്ങളെ അനുകൂലിച്ച് ഒരുവാക്കുപോലും പറയാത്തയാളാണ് അദ്ദേഹം. മന്ത്രിക്കസേര എന്നും കൂടെയുണ്ടാകുമെന്നാണ് വിചാരം. പക്ഷെ, ഇനിയൊരു തെരഞ്ഞെടുപ്പുവന്നാല് കെട്ടിവച്ച കാശുപോലും കിട്ടാത്ത രീതിയില് അദ്ദേഹം തകര്ന്ന് തരിപ്പണമാകും'-ഫാദര് തിയോഡീഷ്യസ് ഡിക്രൂസ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക