കര്ണാടക: രാഹുല് ഗാന്ധി നയിക്കുന്ന ഭാരത് ജോഡോ യാത്രയില് സോണിയാ ഗാന്ധിയും പ്രിയങ്കാ ഗാന്ധിയും പങ്കെടുക്കും. ഈ മാസം 6- ന് ഇരുവരും ഭാരത് ജോഡോ യാത്രയില് പങ്കെടുക്കുമെന്നാണ് അറിയിച്ചിരിക്കുന്നത്. ആരോഗ്യ പ്രശ്നങ്ങളാല് സോണിയാ ഗാന്ധി ഔദ്യോഗിക പരിപാടികളില് നിന്നും ഏറെകാലമായി മാറി നില്ക്കുകയായിരുന്നു. സോണിയാ ഗാന്ധിയും പ്രിയങ്കാ ഗാന്ധിയും ഭാരത് ജോഡോ യാത്രയില് പങ്കെടുക്കുന്നത് അണികളില് കൂടുതല് ആവേശം പകരുമെന്നാണ് നേതൃത്വം വിലയിരുത്തുന്നത്. പാര്ട്ടിയെ ശക്തിപ്പെടുത്തുന്നതില് ഭരത് ജോഡോ യാത്ര നിര്ണ്ണായക പങ്കുവഹിക്കുന്നുണ്ടെന്നാണ് രാഷ്ട്രീയ നിരീക്ഷര് വിലയിരുത്തുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
യാത്രയിലെ ജനപങ്കാളിത്തം പാര്ട്ടിക്ക് പുതിയ പ്രതീക്ഷ പകരുന്നുവെന്നും നേതൃത്വം കരുതുന്നു. കഴിഞ്ഞമാസം മുപ്പതിനാണ് രാഹുൽ ഗാന്ധിയുടെ ഭാരത് ജോഡോ യാത്ര കർണാടകയിൽ പ്രവേശിച്ചത്. ഗുണ്ടൽപേട്ടിൽ നിന്നായിരുന്നു പദയാത്ര തുടങ്ങിയത്. ആയിരക്കണക്കിന് പ്രവർത്തകരാണ് കാൽനടയാത്രയിൽ പങ്കാളികളാവുന്നത്. കർണാടകയിൽ 21 ദിവസമാണ് ഭാരത് ജോഡോ യാത്ര സംഘടിപ്പിച്ചിരിക്കുന്നത്. തമിഴ്നാട്ടില് നിന്നും ആരംഭിച്ച ഭാരത് ജോഡോ യാത്രക്ക് കേരളത്തിലും വന് സ്വീകരണമാണ് ലഭിച്ചത്.